Тармақ 1. Адамдардың реадмиссиясы немесе транзиті Тараптар мемлекеттерінің заңнамасына немесе халықаралық шарттарға сәйкес Тараптар мемлекеттерінің мемлекеттік шекарасы арқылы барлық өткізу пункттерінде жүзеге асырылады.
Тармақ 2. Реадмиссия немесе транзит күні мен уақыты, сондай-ақ осы мақсаттарда пайдаланылатын Тараптар мемлекеттерінің мемлекеттік шекарасы арқылы өткізу пункттері әрбір нақты жағдайда Тараптар мемлекеттерінің орталық құзыретті органдарының өзара келісімі бойынша белгіленеді.
Тармақ 3. Сұрау салушы Тарап мемлекетінің орталық құзыретті органы реадмиссияға немесе транзитке жататын адамды беру жоспарланған күніне дейін 5 (бес) жұмыс күнінен кешіктірмей сұрау салынатын Тарап мемлекетінің орталық құзыретті органына осы баптың 2-тармағында көзделген осындай берудің шарттары туралы хабарлайды.
Тармақ 4. Сұрау салынатын Тарап мемлекетінің орталық құзыретті органы осы баптың 3-тармағында көрсетілген ақпаратты алған күннен бастап 4 (төрт) жұмыс күнінен кешіктірмей, сұрау салушы Тарап мемлекетінің орталық құзыретті органына беру шарттарының қолайлылығы туралы хабарлайды.
Тармақ 5. Егер сұрау салушы Тарап мемлекетінің орталық құзыретті органы ұсынған беру шарттары сұрау салынатын Тарап мемлекетінің орталық құзыретті органы үшін қолайсыз болған жағдайда, берудің басқа шарттары мүмкіндігінше қысқа мерзімде келісілуге тиіс.