Бап 3 О ратификации Соглашения между Правительством РК и Правительством Российской Федерации о сотрудничестве в области авиационного поиска и спасания

Тармақ 1. Тараптар өз мемлекеттерінің шектес аумақтары мен іргелес ұшу ақпаратының аудандары арасындағы шекараны олардың іздестіру және құтқару аудандары арасындағы шекара деп қарайды.

Тармақ 2. Әрбір Тарап өзінің іздестіру және құтқару ауданында авиациялық іздестіру-құтқару қызметтерінің (бұдан әрі - іздестіру-құтқару қызметтері) болуын қамтамасыз етеді. Мұндай қызметтер тәулік бойы кезекшілікті жүзеге асырады.

Тармақ 3. Осы Келісімді іске асыру үшін жауапты құзыретті органдар:

• 1) Қазақстан Тарапынан - Қазақстан Республикасының Инвестициялар және даму министрлігі және Қазақстан Республикасының заңнамасына сәйкес іздестіру-құтқару қызметтерінің функцияларын жүзеге асыруға уәкілетті мемлекеттік органдар;
• 2) Ресей Тарапынан - Ресей Федерациясының Көлік министрлігі немесе осы Министрлік орындайтын функцияларды жүзеге асыруға уәкілетті кез келген тұлға не ұйым болып табылады.
• 3) Тараптар осы Келісімді іске асыру үшін жауапты құзыретті органдардың өзгергені туралы дипломатиялық арналар бойынша бір-біріне хабарлайды.