Бап 11 О ратификации Протокола между Правительством РК и Правительством Кыргызской Республики о порядке предоставления помощи и контроля за ее использованием
Тармақ 1. Ұсынылатын көмектің нысаналы әрі тиімді пайдаланылуын бақылау мақсатында Қазақстан-Қырғыз Үкіметаралық Кеңесі шеңберінде бірлескен екіжақты Ревизиялық комиссия құрылатын болады.
Тармақ 2. Ревизиялық комиссияның құрамы мен тексеру жүргізу тәртібі бақылау мерзімі мен кезеңі белгілене отырып, Үкіметаралық Кеңестің шешімімен бекітіледі.
1) сатып алу және пайдалану кезінде сатып алынатын жабдықтардың, тауарлардың, жұмыстар мен көрсетілетін қызметтердің Қырғыз Республикасы заңнамасының талаптарына сәйкестігіне тексеру жүргізу;
2) тауарлардың және жабдықтардың бар екендігін, сақталуын, тиімділік қағидаты сақтала отырып, олардың нысаналы пайдаланылуын тексеру;
3) бухгалтерлік операциялардың дұрыс көрсетілуі, бөлінген қаражатты аудару, іссапар және шаруашылық шығыстарын төлеу негізділігі, сондай-ақ Тараптардың келісуі бойынша тексеруді жүзеге асыру барысында туындайтын басқа да мәселелер кіреді.
Тармақ 4. Тексеру нәтижелері қорытынды (акт) түрінде ресімделеді және Қазақстан-Қырғыз Үкіметаралық Кеңесіне беріледі, ол оны қарау қорытындысы бойынша осы Хаттама шеңберінде одан әрі қаржыландыру туралы шешім қабылдайды.
Тармақ 5. Тараптар Келісімнің шарттарын түпкілікті орындағанға дейін ревизия жылына бір реттен сиретпей жүргізіледі.
Тармақ 6. Ревизиялық комиссия Келісім мен осы Хаттамадан туындайтын барлық міндеттемелерді Тараптардың орындағаны туралы Қазақстан-Қырғыз Үкіметаралық Кеңесінің шешімі бойынша өз қызметін тоқтатады.