Бап 5 О ратификации Договора между Республикой Казахстан и Республикой Сербия о правовой помощи по уголовным делам

Тармақ 1. Сұрау салынатын Уағдаласушы Мемлекет, егер құқықтық көмек сұратылып отырған іс-әрекет оның ұлттық заңнамасы бойынша қылмыс болып табылмаса, оны беруден бас тартуға құқылы.

Тармақ 2. Егер:

• 1) а) осы Шартта көзделген, құқықтық көмектің белгілі бір түрлерін орындау үшін шарттар сақталмаса;
• 2) b) сұрау салуды орындау Сұрау салынатын Уағдаласушы Мемлекеттің егемендігіне, қауіпсіздігіне, қоғамдық тәртібіне немесе басқа да елеулі мүдделеріне қауіп төндірсе не оның ұлттық заңнамасына қайшы келсе;
• 3) с) сұрау салу Сұрау салынатын Уағдаласушы Мемлекеттің ұлттық заңнамасына қайшы келетін мәжбүрлеу шараларына қатысты болса;
• 4) d) құқықтық көмек туралы сұрау салу адамға қатысты оның нәсілдік тиесілілігі, жынысы, діни сенімі, ұлты, этностық шығу тегі немесе саяси көзқарасы себептері бойынша қылмыстық қудалау мақсатына бағытталған немесе осы адамның жағдайына осы себептердің кез келгені бойынша нұқсан келтірілуі мүмкін деп пайымдауға дәлелді негіздер болса, Сұрау салынатын Уағдаласушы Мемлекет сұрау салынған көмекті көрсетуден толық немесе ішінара бас тартуға құқылы.

Тармақ 3. Құқықтық көмек беруден бас тартпас бұрын Сұрау салынатын Уағдаласушы Мемлекеттің орталық органы Сұрау салушы Уағдаласушы Мемлекеттің орталық органымен консультация жүргізуге тиіс.

Тармақ 4. Құқықтық көмекті беруден кез келген бас тарту уәжді болуға тиіс.