Тармақ 1. Әрбір қатысушы мемлекет өзінің ұлттық заңдарын және нормативтік ережелерін басшылыққа ала отырып, 2(1)-бапта қамтылатын кәдімгі қару-жарақтың экспортын немесе экспорты бойынша нақты операцияларды жүзеге асыруға рұқсаттар беруді ұлттық есепке алуды жүргізеді.
Тармақ 2. Әрбір қатысушы мемлекетке оның аумағына берілетін, бұл жағдайда түпкілікті межелі орын болып табылатын немесе транзитпен алып жүруге немесе өзінің юрисдикциясындағы аумақтарға қайта тиеуге рұқсат етілген 2(1)-бапта қамтылатын кәдімгі қару-жарақты есепке алуды жүргізу ұсынылады.
Тармақ 3. Әрбір қатысушы мемлекетке мән-жайларға сәйкес осы есепке алу құжаттарына 2(1)-бапта қамтылатын кәдімгі қару-жарақтың саны, құны, моделі/типі, халықаралық беруге рұқсаттар, кәдімгі қару-жарақты нақты беру туралы мәліметтерді және экспорттаушы мемлекет (экспорттаушы мемлекеттер), импорттаушы мемлекет (импорттаушы мемлекеттер), реті келген жағдайда транзит және ауыстырып тиеу мемлекеті (мемлекеттері) және түпкілікті пайдаланушылар туралы толық ақпаратты енгізу ұсынылады.
Тармақ 4. Есепке алу құжаттары кемінде он жыл сақталады.