Бап 7 О ратификации Договора о торговле оружием. Экспорт және экспортты бағалау

Тармақ 1. Егер 6-баппен экспортқа тыйым салынбаған жағдайда, экспорттаушы ролінде болатын әрбір қатысушы мемлекет өзінің юрисдикциясындағы 2(1)-бапта қамтылатын кәдімгі қару-жарақтың немесе 3-бапта немесе 4-бапта қамтылатын құралдардың экспортына рұқсат беру туралы мәселені шешу кезінде өзінің ұлттық бақылау жүйесін басшылыққа ала отырып, 8(1)-бапқа сәйкес импорттаушы мемлекет ұсынған ақпаратты қоса алғанда, тиісті факторларды ескере отырып, кәдімгі қару-жарақтың немесе құралдардың:

• 1) a) бейбітшілікке немесе қауіпсіздікке ықпал ету немесе оларға залал келтіру;
• 2) b) пайдаланылуы мүмкін:
• 3) i) халықаралық гуманитарлық құқықты елеулі түрде бұзушылықты жасау немесе жасауға жәрдемдесу үшін;
• 4) ii) адам құқықтарының халықаралық құқығын елеулі түрде бұзушылығын жасау немесе жасауға жәрдемдесу үшін;
• 5) iii) осы экспорттаушы мемлекет қатысушысы болып табылатын терроризм туралы мәселе жөніндегі халықаралық конвенцияларға немесе хаттамаларға сәйкес қылмыс болып табылатын іс-әрекет жасау немесе жасауға жәрдемдесу үшін; немесе
• 6) iv) осы экспорттаушы мемлекет қатысушысы болып табылатын трансұлттық ұйымдасқан қылмыс туралы мәселе жөніндегі халықаралық конвенцияларға немесе хаттамаларға сәйкес қылмыс болып табылатын іс-әрекет жасау немесе жасауға жәрдемдесу үшін ықтималдығын объективті және кемсітпеу түрінде бағалайды.

Тармақ 2. Экспорттаушы рөлінде болатын қатысушы мемлекет 1-тармақтың (а) немесе (b) тармақшасында көрсетілген тәуекелдерді азайту үшін қабылдауға болатын сенімді нығайту шаралары немесе экспорттаушы мемлекеттер мен импорттаушы мемлекеттер бірлесіп әзірлеген және келісілген бағдарламалар сияқты шаралардың да бар екенін айқындауға тиіс.

Тармақ 3. Егер осындай бағалауды жүргізгеннен және тәуекелді жеңілдетудің қолжетімді шараларын қарағаннан кейін экспорттаушы рөлінде болатын қатысушы мемлекет 1-тармақта көрсетілген теріс салдарлардың кез келгені туындауының едәуір тәуекелінің бар-жоғын айқындаса, онда ол экспорттық операцияны жүзеге асыруға рұқсат бермейді.

Тармақ 4. Осындай бағалауды жүргізу кезінде экспорттаушы рөлінде болатын әрбір қатысушы мемлекет 2(1)-бапта қамтылатын кәдімгі қару-жарақ немесе 3-бапта немесе 4-бапта қамтылатын құралдар елеулі гендерлік күш қолдану актілерін немесе әйелдер мен балаларға қатысты елеулі күш қолдану актілерін жасау немесе жасауға жәрдемдесу үшін пайдаланылуы мүмкін тәуекелді ескереді.

Тармақ 5. Экспорттаушы ролінде болатын әрбір қатысушы мемлекет 2(1)-бапта қамтылатын кәдімгі қару-жарақтың немесе 3-бапта немесе 4-бапта қамтылатын құралдардың экспортына барлық рұқсаттардың толық жазылуын және экспорттық операцияны жүзеге асырғанға дейін берілуін қамтамасыз етуге шаралар қолданады.

Тармақ 6. Экспорттаушы рөлінде болатын әрбір қатысушы мемлекет импорттаушы рөліңде болатын қатысушы мемлекетке және транзит немесе ауыстырып тиеу мемлекеттері болып табылатын қатысушы мемлекеттерге олардың өтініші бойынша, бұл ретте өзінің ұлттық заңдарын, практикасын немесе саясатын басшылыққа ала отырып, нақты рұқсат беру туралы тиісті ақпаратты ұсынады.

Тармақ 7. Егер рұқсат берілгеннен кейін экспорттаушы рөлінде болатын қатысушы мемлекет тиісті жаңа ақпарат алса, онда оған импорттаушы мемлекетпен, орынды болса, консультациялардан кейін рұқсатты қайта бағалауды жүргізу ұсынылады.