Тармақ 1. Тауарларды уақытша сақтауға орналастыру үшін тасымалдаушы немесе тауарларға қатысты өкілеттіктері бар өзге тұлға кеден органына көліктік (тасымалдау), коммерциялық және (немесе) тауарлар туралы мәліметтер, тауарларды жөнелтуші және алушы, оларды жөнелтуші елі және межелі елі туралы мәліметтер қамтылған кедендік құжаттарды не электрондық құжат түрінде ұсынылған алдын ала ақпараттың тіркеу нөмірі туралы мәліметтер бар құжатты ұсынады.
Тармақ 2. Кеден органы тауарларды уақытша сақтауға орналастыру үшін ұсынылған құжаттарды, кеден органына осындай құжаттар берілген кезден бастап 1 сағаттан кешіктірмей тіркейді және тұлғаға осы баптың 1-тармағында көрсетілген құжаттардың тіркелгені туралы растауды береді.
Тармақ 3. Тауарлар, кеден органы тауарларды уақытша сақтауға орналастыру үшін ұсынылған құжаттарды тіркегеннен кейін, егер осы Кодексте өзгеше белгіленбесе, уақытша сақтауда тұрған болып есептеледі.
Тармақ 4. Мүше мемлекетке тұрақты тұруға қоныс аудару, осы мүше мемлекеттің заңнамасына сәйкес босқын, мәжбүрлі қоныс аударушы мәртебесін алу ниеті бар шетелдік жеке тұлғаның жеке пайдалануға арналған тауарларын уақытша сақтауға орналастыруға байланысты кедендік операциялар осы Кодекстің 259-бабына сәйкес жасалады.
Тармақ 5. Тауарларды ғимараттарға, үй-жайларға (үй-жайлардың бөлімдеріне) және (немесе) екінші немесе үшінші типтегі куәліктері бар уәкілетті экономикалық оператордың кедендік бақылау аймағы болып табылатын ашық алаңдарға (ашық алаңдар бөлімдеріне) жеткізу кезінде тауарларды уақытша сақтауға орналастыруға байланысты кедендік операциялар осы Кодекстің 440-бабы ескеріле отырып жасалады.