Бап 11 О ратификации Договора о Таможенном кодексе Евразийского экономического союза. Кеден органдарына алдын ала ақпаратты табыс ету

Тармақ 1. Алдын ала ақпаратты табыс ету мақсаты Одақтың кедендік аумағына тауарлар келгенге дейін кеден органдарының тәуекелдерді бағалауы және объектілерді таңдау туралы алдын ала шешімдер қабылдауы, кедендік бақылау нысандары және кедендік бақылау жүргізуді қамтамасыз ететін шараларды қолдану үшін Одақтың кедендік шекарасы арқылы өткізілуге жоспарланатын тауарлар туралы мәліметтерді кеден органдарының алуы болып табылады.

Тармақ 2. Кеден органдарына табыс етілетін алдын ала ақпараттың құрамы оны пайдалану мақсаттарына қарай:

• 1) кеден органдары тәуекелдерді бағалау және объектілерді, кедендік бақылау нысандары мен кедендік бақылау жүргізуді қамтамасыз ететін шараларды қолдану үшін пайдаланатын алдын ала ақпарат құрамына;
• 2) кеден органдары кедендік операциялар жасауды жеделдету және кедендік бақылау жүргізуді оңтайландыру үшін пайдаланатын алдын ала ақпарат құрамына бөлінеді;

Тармақ 3. Міндетті түрде осы баптың 2-тармағының 1-тармақшасында көзделген мақсаттарда айқындалған құрамдағы алдын ала ақпарат табыс етіледі.

Тармақ 4. Алдын ала ақпарат электрондық құжат түрінде табыс етілуі мүмкін.

Тармақ 5. Алдын ала ақпарат тауарлар Одақтың кедендік аумағына келгенге дейін, аумағында тауарларды Одақтың кедендік шекарасы арқылы өткізу жоспарланған жері орналасқан мүше мемлекеттің кеден органына табыс етіледі.

Тармақ 6. Алдын ала ақпарат Интернет желісінің ресурстарын пайдалана отырып, кеден органының ақпараттық жүйесі мен алдын ала ақпаратты табыс ететін тұлғалардың ақпараттық жүйелерінің өзара әрекеттесуі арқылы және (немесе) Комиссия айқындайтын өзге де тәсілмен табыс етіледі.

Тармақ 7. Алдын ала ақпарат орыс тілінде табыс етіледі, ал егер кеден органына алдын ала ақпарат табыс етілетін мүше мемлекеттің мемлекеттік тілі орыс тілі болмаса, тұлғаның таңдауы бойынша алдын ала ақпарат орыс тілінде немесе осы мүше мемлекеттің мемлекеттік тілінде табыс етіледі.

Тармақ 8. Кеден органы табыс етілген алдын ала ақпаратты Комиссия айқындайтын тәртіппен және мерзімде тіркейді немесе оны тіркеуден бас тартады.

Тармақ 9. Кеден органы табыс етілген алдын ала ақпаратты оған тіркеу нөмірін беру арқылы тіркейді.

Тармақ 10. Кеден органы, егер табыс етілген ақпарат Комиссия айқындаған құрамға, құрылым мен форматқа және (немесе) осы баптың 7-тармағында көзделген талапқа сәйкес келмесе, алдын ала ақпаратты тіркеуден бас тартады.

Тармақ 11. Тіркеу нөмірі көрсетіле отырып, алдын ала ақпаратты тіркеу туралы не бас тарту себептері көрсетіле отырып, оны тіркеуден бас тарту туралы мәліметтер алдын ала ақпаратты табыс еткен тұлғаға электрондық нысанда жіберіледі.

Тармақ 12. Алдын ала ақпарат кеден органдарының ақпараттық жүйелерінде ол тіркелген күннен бастап күнтізбелік 30 күн ішінде, ал егер Комиссия өзге мерзімді айқындаған болса, Комиссия айқындаған мерзім ішінде сақталады, одан кейін кеден органдарында мұндай ақпарат алдын ала ақпарат ретінде пайдаланылмайды.

Тармақ 13. Міндетті түрде табыс етілуге тиіс алдын ала ақпарат берілмеген немесе оны табыс ету мерзімдері бұзылған кезде, кеден органына осындай алдын ала ақпарат беруге тиіс мүше мемлекеттің кедендік реттеу туралы заңнамасына сәйкес белгіленетін шаралар қолданылады.

Тармақ 14. Мүше мемлекеттердің заңнамасында кеден органдарына алдын ала ақпарат табыс етілмегені немесе оны табыс ету мерзімдері бұзылғаны үшін жауапкершілік белгіленуі мүмкін.

Тармақ 15. Алдын ала ақпарат:

• 1) Одақтың кедендік шекарасы арқылы жеке тұлғалар өткізетін, жеке басына пайдалануға арналған тауарларға;
• 2) халықаралық пошта жөнелтілімдерінде жіберілетін тауарларға;
• 3) осы Кодекстің 296-бабының 1-тармағында көрсетілген тауарларға;
• 4) дүлей зілзалалардың, авариялар мен апаттардың салдарын жою үшін өткізілетін тауарларға;
• 5) мәртебесі мүше мемлекеттің заңнамасына сәйкес берілген рұқсатнамамен (әскери рұқсатнамамен) расталатын әскери жүктерге;
• 6) келген орнында арнайы кедендік рәсімге орналастырылатын тауарларға;
• 7) Одаққа мүше болып табылмайтын мемлекеттердің аумағы арқылы тасымалданатын Одақ тауарларына;
• 8) Одақтың кедендік шекарасы арқылы өткізілетін және шектері Одақтың кедендік шекарасының учаскелерімен сәйкес келетін, егер бұл аумағында осындай ЕЭА құрылған мүше мемлекеттің заңнамасында көзделген болса, ЕЭА аумағына әкелінетін тауарларға;
• 9) Комиссия айқындайтын жағдайларда өзге де тауарларға қатысты табыс етілуі мүмкін.

Тармақ 16. Құбыржол көлігімен немесе электр беру желілерімен өткізілетін тауарларға қатысты алдын ала ақпарат табыс етілмейді.

Тармақ 17. Алдын ала ақпараттың құрамын, осындай ақпараттың құрылымы мен форматын, алдын ала ақпаратты, оның ішінде электрондық құжат түрінде табыс етілетін ақпаратты табыс ету тәртібі мен мерзімдерін, электрондық құжат түріндегі алдын ала ақпаратты қалыптастыру мен пайдалану тәртібін, алдын ала ақпаратты кеден органдарына табыс етуге міндетті не құқылы тұлғаны, тауарларды тасу (тасымалдау) жүзеге асырылатын көліктің түріне және осындай алдын ала ақпаратты кеден органының пайдалану мақсатына қарай Комиссия айқындайды.

Тармақ 18. Алдын ала ақпарат ретінде кедендік декларациялануы, Комиссия айқындайтын жағдайларда және тәртіппен, ал оларды Комиссия айқындағанға дейін - мүше мемлекеттердің заңнамасына сәйкес белгіленетін жағдайларда және тәртіппен осы Кодекстің 114-бабында айқындалған ерекшеліктермен жүзеге асырылатын тауарларға қатысты берілген электрондық құжат түріндегі кедендік декларацияда мәлімделген мәліметтер пайдаланылуы мүмкін.