Бап 115 О ратификации Договора о Таможенном кодексе Евразийского экономического союза. Толық емес кедендік декларациялау

Тармақ 1. Толық емес кедендік декларациялау Одақтың кедендік аумағынан әкетілетін тауарларға қатысты жүзеге асырылады.

Тармақ 2. Толық емес кедендік декларациялау кезінде көрсетілмеуі мүмкін мынадай:

• 1) тауарларды алушы туралы;
• 2) тауарлардың межелі елі және (немесе) сауда жасаушы ел туралы;
• 3) декларацияланатын тауарларды тасымалдау үшін пайдаланылатын көлік құралдары туралы;
• 4) тауарлардың орамасы (саны, түрі, таңбалануы және реттік нөмірлері) туралы мәліметтерді қоспағанда, осы Кодекстің 106-бабына сәйкес тауарларға арналған декларацияда көрсетуге жататын мәліметтер мәлімделуі тиіс.

Тармақ 3. Кедендік декларациялануы осы бапқа сәйкес жүзеге асырылған тауарлар шығарылғаннан кейін декларант кеден органына, егер мүше мемлекеттердің кедендік реттеу туралы заңнамасында бұдан азырақ мерзім белгіленбесе, тауарлар шығарылған күннен бастап 8 айдан кешіктірмей, тауарларға арналған декларацияда мәлімделген мәліметтерді өзгерту (толықтыру) арқылы жетіспейтін мәліметтерді ұсынуға міндетті.

Тармақ 4. Мүше мемлекеттердің кедендік реттеу туралы заңнамасында оларға қатысты осы баптың ережелері қолданылмайтын тауарлар санаты айқындалуы мүмкін.