Тармақ 1. Тауарларды шығаруды, егер адам:
Тармақ 2. Тауарларды шығару, кеден органының ақпараттық жүйесі пайдаланыла отырып, электрондық құжатты қалыптастыру арқылы не қағаз жеткізгіштегі кедендік декларацияда немесе қағаз жеткізгіште берілген тауарларға арналған декларация берілгенге дейін тауарларды шығару туралы өтініште тиісті белгілер қою арқылы ресімделеді.
Тармақ 3. Тауарларды шығарумен байланысты кедендік операцияларды осы Кодекстің 119-бабында көзделген мерзімдерде немесе Комиссия белгілеген және (немесе) мүше мемлекеттердің кедендік реттеу туралы заңнамасында белгіленген мерзімдерде көрсетілген баптың 10-тармағына сәйкес Комиссия белгілеген тәртіппен, Комиссия реттемеген бөлігінде - мүше мемлекеттердің кедендік реттеу туралы заңнамасына сәйкес белгіленетін тәртіппен кеден органы жасайды.
Тармақ 4. Осы Кодекстің 113-бабының 4 - 6-тармақтарында, 116-бабының 9-тармағында көзделген жағдайларда, сондай-ақ осы Кодекстің 116-бабының 10-тармағында көзделген жағдайда кедендік декларацияны кері қайтарып алған кезде кеден органы тауарлардың шығарылуын жояды.
Тармақ 5. Егер тауарларға арналған декларацияда 2 және одан көп тауар туралы мәліметтер берілген жағдайда, кеден органы, егер мүше мемлекеттердің кедендік реттеу туралы заңнамасында өзгеше белгіленбесе, осы баптың 1-тармағында көзделген шығару шарттары сақталған тауарларды шығарады.
Тармақ 5. 1 . Егер электрондық сауда тауарларына арналған декларацияда жеке тұлғалар сатып алған 2 және одан көп электрондық сауда тауары туралы мәліметтер мәлімделген жағдайда, егер мүше мемлекеттердің кедендік реттеу туралы заңнамасында өзгеше белгіленбесе, кеден органы оларға қатысты осы Кодекстің 309 5 -бабының 1-тармағында көзделген шығару шарттары сақталған электрондық сауда тауарларын шығаруды жүргізеді.
Тармақ 6. Кеден органы шығару жүргізілген тауарларды уақытша сақтауды жүзеге асыратын адамға, мүше мемлекеттердің кедендік реттеу туралы заңнамасында белгіленген жағдайларда - кеден органының ақпараттық жүйесі мен осындай адамдардың ақпараттық жүйелерінің өзара іс-қимыл жасауы болған кезде, өзге де адамдарды мүше мемлекеттердің кедендік реттеу туралы заңнамасына сәйкес белгіленген мерзімде электрондық нысанда тауарларды шығару туралы хабарлайды.
Тармақ 7. Осы Кодекстің 120 - 122 және 126-баптарында көзделген жағдайларда, сондай-ақ жеке пайдалануға арналған тауарларға, халықаралық көлікпен тасымалдау құралдары, керек-жарақтар мен жеке тұлғалар сатып алған электрондық сауда тауарларына қатысты осы Кодекстің 120 - 122 және 126-баптарында , 37 - 39-тарауларында және 309 5 -бабында белгіленген тауарларды шығару бойынша кедендік операдияларды жасаудың шарттары және (немесе) ерекшеліктері ескеріле отырып, осы бапқа сәйкес тауарларды шығару жүргізіледі.
Тармақ 8. Мүше мемлекеттердің кедендік реттеу туралы заңнамасына сәйкес коммерциялық, көліктік (тасымалдау) құжаттарға тауарлардың шығарылғаны туралы не тауарлардың шығарылғаны туралы белгілер қойылған коммерциялық, көліктік (тасымалдау) құжаттарға тауарларды шығарудың күшін жою туралы белгілердің қойылу жағдайлары мен тәртібі белгіленуі мүмкін.