Тармақ 1. Осы Кодекстің 83-бабында көрсетілген тұлғалар, осы Кодексте көзделген кедендік рәсімдерді, тауарларды кедендік декларациялау кезінде оны мәлімдеу жолымен, не тауарға арналған декларацияны бергенге дейін тауарларды шығаруға мәлімдеген кезде, не порттық ЕЭА немесе логистикалық ЕЭА аумағына тауарларды әкелу жолымен таңдауға құқылы.
Тармақ 2. Кедендік рәсіммен тауарларды орналастыру, егер осы Кодексте өзгеше белгіленбесе, кеден органына кедендік декларацияны немесе тауарға арналған декларацияны бергенге дейін тауарлар шығару туралы өтінішті берген кезден бастап басталады және осы Кодекстің 204-бабының 1-тармағында көзделген жағдайды қоспағанда, тауарларды шығарумен аяқталады.
Тармақ 3. Тауарларды кедендік рәсіммен орналастыру күні ретінде, осы Кодекстің 204-бабы l-тармағында көзделген жағдайды қоспағанда, тауарлар шығарылған күн саналады.
Тармақ 4. Тауарларды мәлімделген кедендік рәсіммен орналастыру шарттарын сақтауды растау бойынша міндеттеме декларантқа жүктеледі.
Тармақ 5. Санитариялық-карантиндік, ветеринариялық, карантиндік фитосанитариялық және басқа да мемлекеттік бақылау (қадағалау) түрлеріне жататын тауарлар мемлекеттік бақылаудың (қадағалаудың) тиісті түрі жүзеге асырылғаннан кейін ғана кедендік рәсіммен орналастырылады.
Тармақ 6. Егер тарифтік емес реттеу шараларын енгізу кезінде, оларға қатысты осындай шара енгізілетін тауарларды орналастыруға жол берілмейтін кедендік рәсімдер айқындалса, онда көрсетілген тауарлар осы бөлімнің ережелеріне қарамастан мұндай кедендік рәсімдермен орналастыруға жатпайды.