Тармақ 1. Кедендік рәсіммен орналастырылған тауарларды алып қойған не осындай тауарларға тыйым салынған жағдайда мүше мемлекеттердің заңнамасына сәйкес бұл тауарларға қатысты кедендік рәсім қолданысы тоқтатыла тұрады.
Тармақ 2. Егер тауарларды алып қоюды жою не оларға тыйым салуды жою туралы шешім қабылданған жағдайда, кедендік рәсім қолданысы осындай шешім заңды күшіне енген күннен кейінгі күннен бастап немесе осындай шешімде көрсетілген күннен бастап жаңғыртылады.
Тармақ 3. Кедендік рәсім қолданысын жаңғыртқан кезде осы бөлімге сәйкес есептеу және төлеу көзделген пайыздар кедендік рәсім қолданысы тоқтатыла тұрған кезеңде есептелмейді және төленбейді.
Тармақ 4. Кедендік рәсіммен орналастырылған тауарлар соттың шешімі бойынша тәркіленген немесе мүше мемлекеттің меншігіне (табысына) айналдырылған жағдайда бұл тауарларға қатысты кедендік рәсім қолданысы тоқтатылады.
Тармақ 5. Егер мүше мемлекеттердің заңнамасына сәйкес тұлғаларды әкімшілік немесе қылмыстық жауапкершілікке тарту олардың тауарларды кедендік рәсімге сәйкес пайдалану жағдайларын сақтамауына байланысты болса және жол берілген сақтамау осы кедендік рәсімді одан әрі қолдану мүмкіндігін тудыратын болса, кедендік рәсім қолданысы тұлғаны жауапкершілікке тарту жөніндегі тиісті шешім күшіне енген күннен кейінгі күннен бастап күнтізбелік 15 күн ішінде аяқталуы тиіс.