Тармақ 1. Кеден қоймасы кедендік рәсімі — шетел тауарларына қатысты қолданылатын кедендік рәсім, оған сәйкес мұндай тауарлар оларды осындай кедендік рәсіммен орналастырудың және оларды осындай кедендік рәсімге сәйкес пайдаланудың шарттары сақталған жағдайда кедендік әкелу баждары, салықтар, арнайы, демпингке қарсы, өтем баждары төленбей кеден қоймасында сақталады.
Тармақ 2. Кеден қоймасы кедендік рәсімімен орналастырылған тауарлар шетелдік тауарлар мәртебесін сақтайды.
Тармақ 3. Кеден қоймасы кедендік рәсімін қолдануға:
Тармақ 4. Кеден қоймасы кедендік рәсімін өздерінің үлкен көлемдеріне немесе тиеудің, түсірудің және (немесе) сақтаудың ерекше шарттарына байланысты кеден қоймасында орналастыруға болмайтын тауарларға қатысты қолдануға жол беріледі.
Тармақ 4. 1 . Жеке тұлғаларға өткізуге арналған электрондық сауда тауарларына қатысты кеден қоймасының кедендік рәсімі осы Кодекстің 309 6 -бабында айқындалған ерекшеліктер ескеріле отырып қолданылады.
Тармақ 5. Комиссия кеден қоймасы кедендік рәсімі қолданылмайтын тауарлар тізбесін айқындауға құқылы.