Тармақ 1. Егер Одақтың кедендік аумағынан тыс жерде қайта өңдеу жөніндегі операциялар жөндеу болып табылған, сондай-ақ Одақтың кедендік аумағынан тыс жерде қайта өңдеу жөніндегі операциялар құбыржолмен тасымалданатын тауарларға қатысты жүзеге асырылған жағдайда кеден органының рұқсатымен өз сипаты, сапасы және техникалық сипаттамалары бойынша қайта өңдеу өнімдеріне сайма-сай келетін қайта өңдеу өнімдерін шетелдік тауарлармен (осы бапта бұдан әрі - балама шетелдік тауарлар) ауыстыруға жол беріледі.
Тармақ 2. Егер қайта өңдеу өнімдерін балама шетелдік тауарлармен ауыстыруға рұқсат етілген жағдайда, осы балама шетелдік тауарларды Одақтың кедендік аумағына әкелуге Одақ тауарлары Одақтың кедендік аумағынан әкетілгенге дейін жол беріледі.
Тармақ 3. Қайта өңдеу өнімдерін балама шетелдік тауарлармен ауыстыру тәртібі мен шарттары мүше мемлекеттердің кедендік реттеу туралы заңнамасында анықталады.