Тармақ 1. Қайта өңдеу өнімдерін ішкі тұтыну үшін шығару кедендік рәсімімен орналастырылған кезде кедендік әкелу баждары Одақтың кедендік аумағынан тыс жерде қайта өңдеу жөніндегі операциялар құнына негізделе отырып есептеледі.
Тармақ 2. Одақтың кедендік аумағынан тыс жерде қайта өңдеу жөніндегі операциялардың құны мыналарға:
Тармақ 3. Егер Одақтың кедендік аумағынан тыс жерде қайта өңдеу жөніндегі операциялардың қайта өңдеу өнімдерін кедендік декларациялау кезінде мәлімделген құны құжат түрінде расталмаған не ұсынылған құжаттар мұндай операциялардың құны туралы мәлімделген мәліметтерді растамаған жағдайда, ол қайта өңдеу өнімдерінің кедендік құны мен кедендік аумақтан тыс жерде қайта өңдеу кедендік рәсімімен орналастырылған тауарлар құнының айырмасы ретінде айқындалады.
Тармақ 4. Егер қайта өңдеу өнімдеріне кедендік әкелу баждарының ерекшелікті мөлшерлемелері қолданылған жағдайда, төленуге жататын кедендік әкелу баждарының сомасы қайта өңдеу өнімдерінің кедендік құнының Одақтың кедендік аумағынан тыс жерде қайта өңдеу жөніндегі операциялар құнының арақатынасына қайта өңдеу өнімдеріне қатысты ерекшелікті мөлшерлеме бойынша есептелген кедендік әкелу баждарының сомасын көбейту ретінде, қайта өңдеу өнімдері ішкі тұтыну үшін шығару кедендік рәсімімен орналастырылғандай айқындалады.
Тармақ 5. Қайта өңдеу өнімдерін ішкі тұтыну үшін шығару кедендік рәсімімен орналастыру кезінде қайта өңдеу өнімдеріне қатысты салықтар аумағында қайта өңдеу өнімдері ішкі тұтыну үшін шығару кедендік рәсімімен орналастырылатын мүше мемлекеттің заңнамасына сәйкес есептеледі.
Тармақ 6. Осы баптың 7-тармағында өзгеше белгіленбесе, қайта өңдеу өнімдерін ішкі тұтыну үшін шығару кедендік рәсімімен орналастырған кезде кедендік әкелу баждары, салықтар осы баптың 1 - 5-тармақтарына сәйкес есептелген кедендік әкелу баждары, салықтар сомаларының мөлшерінде төленуге тиіс.
Тармақ 7. Осы Кодекстің 176-бабы 3-тармағының 1-тармақшасында көрсетілген шетелдік тауарларға қатысты Одақтың кедендік аумағынан тыс жерде қайта өңдеу жөніндегі операциялар жасау нәтижесінде алынған қайта өңдеу өнімдерін ішкі тұтыну үшін шығару кедендік рәсімімен орналастыру кезінде осы Кодекстің 136-бабының 11-тармағына сәйкес осы шетелдік тауарларға қатысты кедендік әкелу баждарын, салықтарды төлеу мерзімі басталатын жағдайларды қоспағанда, осы баптың 1 - 5-тармақтарына сәйкес есептелген кедендік әкелу баждары, салықтар төленбейді.