Тармақ 1. Ішкі тұтыну үшін қайта өңдеу кедендік рәсімі - шетелдік тауарларға қатысты пайдаланылатын кедендік рәсім, оған сәйкес тауарларды осы кедендік рәсіммен орналастыру шарттары сақталған және оларды осындай кедендік рәсімге сәйкес пайдаланған кезде осындай шетелдік тауарларға қатысты кедендік әкелу баждары төленбей, кейіннен ішкі тұтыну үшін шығару кедендік рәсімімен орналастыруға арналған оларды қайта өңдеу өнімдерінде алу мақсатында осындай тауарлармен ішкі тұтыну үшін қайта өңдеу жөніндегі операциялар жасалады.
Тармақ 2. Ішкі тұтыну үшін қайта өңдеу кедендік рәсімімен орналастырылған тауарлар шетелдік тауарлар мәртебесін сақтайды, ал ішкі тұтыну үшін қайта өңдеу жөніндегі операциялар нәтижесінде алынған (пайда болған) тауарлар (қайта өңдеу өнімдері, қалдықтар мен ұсақ-түйек қалдықтар) шетелдік тауарлар мәртебесін алады.
Тармақ 3. Ішкі тұтыну үшін қайта өңдеу кедендік рәсімі, тізбесі мүше мемлекеттердің заңнамасында белгіленетін тауарларға қатысты пайдаланылады.