Тармақ 1. Ішкі тұтыну үшін қайта өңдеу кедендік рәсімінің қолданылу мерзімі ішкі тұтыну үшін тауарларды қайта өңдеу шарттары туралы құжатта айқындалған ішкі тұтыну үшін тауарларды қайта өңдеу мерзімі негізінде белгіленеді.
Тармақ 2. Ішкі тұтыну үшін қайта өңдеу кедендік рәсімі қолданылуының белгіленген мерзімі ішкі тұтыну үшін тауарларды қайта өңдеу мерзімін ұзарту кезінде тұлғаның өтініші бойынша ұзартылады.
Тармақ 3. Мүше мемлекеттердің заңнамасында ішкі тұтыну үшін тауарларды қайта өңдеу мерзімін ұзарту кезінде ішкі тұтыну үшін қайта өңдеу кедендік рәсімі қолданылуының белгіленген мерзімі ол өткеннен кейін 10 жұмыс күнінен кешіктірілмей ұзартыла алатындығы көзделуі мүмкін. Кеден органы белгілеген ішкі тұтыну үшін қайта өңдеу кедендік рәсімінің қолданылу мерзімін ұзарту кезінде ол өткеннен кейін осындай кедендік рәсімнің қолданылуы осы кедендік рәсімнің қолданылуы тоқтатылған күннен бастап қайта жаңғыртылады.