Тармақ 1. Ішкі тұтыну үшін қайта өңдеу жөніндегі операциялар нәтижесінде пайда болған қалдықтар, аталған қалдықтар мүше мемлекеттердің заңнамасына сәйкес одан әрі коммерциялық пайдалану үшін жарамсыз күйде деп танылған не осындай қалдықтар мүше мемлекеттердің заңнамасына сәйкес көмілуге, залалсыздандырылуға, кәдеге жаратылуға немесе өзге де тәсілмен жойылуға тиіс жағдайларды қоспағанда, осы Кодексте көзделген кедендік рәсіммен орналастырылуға жатады.
Тармақ 2. Ішкі тұтыну үшін қайта өңдеу жөніндегі операциялар нәтижесінде пайда болған қалдықтар декларант таңдаған кедендік рәсіммен орналастырылған кезде Одақтың кедендік аумағына осы күйінде әкелінгендей қарастырылады.
Тармақ 3. Кедендік рәсіммен орналастырылуға жатпайтын, осы баптың 1-тармағында көрсетілген қалдықтар Одақ тауарлары мәртебесіне ие болады және мүше мемлекеттердің заңнамасына сәйкес одан әрі коммерциялық пайдалану үшін жарамсыз күйде деп танылған күннен бастан не кеден органына пайда болған қалдықтарды көму, залалсыздандыру, кәдеге жарату немесе өзге де тәсілмен жою фактісін не осындай операцияларды жасау үшін оларды беру фактісін растайтын құжаттар ұсынылған күннен бастап кедендік бақылауда болмайды деп есептеледі.
Тармақ 4. Ішкі тұтыну үшін қайта өңдеу кедендік рәсімімен орналастырылған, ішкі тұтыну үшін қайта өңдеу жөніндегі операцияларды жасау нәтижесінде қайтарымсыз жоғалған және кеден органдары өндірістік ысырап деп таныған шетелдік тауарлар ішкі тұтыну үшін қайта өңдеу кедендік рәсімінің қолданылуы аяқталған кезде кедендік рәсіммен орналастыруға жатпайды.