Тармақ 1. ЕЭА аумағы кедендік бақылау аймағы болып табылады.
Тармақ 2. ЕЭА аумағы кедендік бақылауды жүргізу мақсатында жайластырылуға тиіс.
Тармақ 3. ЕЭА аумағында орналастырылатын тауарларға қатысты кедендік операциялар осы бапта көзделген ерекшеліктер ескеріле отырып осы Кодекске сәйкес жүзеге асырылады.
Тармақ 4. Порттық ЕЭА және логистикалық ЕЭА-ны қоспағанда, ЕЭА аумағына тауарларды әкелу осындай әкелу туралы кеден органын хабардар ете отырып жүзеге асырылады, ал ЕЭА аумағынан тауарларды әкету кеден органының рұқсатымен жүзеге асырылады.
Тармақ 5. Осы Кодекстің 204-бабының 4-тармағына сәйкес кедендік декларациялауға жатпайтын тауарларға қатысты порттық ЕЭА немесе логистикалық ЕЭА аумағына әкелу кезінде, осы Кодекстің 88-бабының 1-5-тармақтарында көзделген Одақтың кедендік аумағына тауарлардың келуімен байланысты кедендік операциялар ғана жасалады.
Тармақ 6. Кеден органдары ЕЭА аумағына әкелінетін тауарларды идентификаттауды жүзеге асыруға құқылы. Кеден органының ЕЭА аумағына әкелінетін тауарларды идентификаттауды жүзеге асыру тәртібі мүше мемлекеттердің кедендік реттеу туралы заңнамасына сәйкес белгіленеді.
Тармақ 7. Декларант еркін кедендік аймақ кедендік рәсімімен орналастырылған тауарлардың және еркін кедендік аймақ кедендік рәсімімен орналастырылған тауарлардан жасалған (алынған) тауарлардың есебін жүргізеді және аумағында ЕЭА құрылған мүше мемлекеттің кеден органына осындай тауарлар туралы есептілікті ұсынады.