Тармақ 1. Еркін қойма кедендік рәсімі - шетелдік тауарларға және Одақ тауарларына қатысты қолданылатын кедендік рәсім, оған сәйкес осы кедендік рәсіммен тауарларды орналастыру және осындай кедендік рәсімге сәйкес оларды пайдалану шарттары сақталған кезде, мұндай тауарлар кедендік баждарды, салықтарды, арнайы, демпингке қарсы, өтем баждарын төлемей, еркін қоймада орналастырылады және пайдаланылады.
Тармақ 2. Еркін қоймада еркін қойма кедендік рәсімімен орналастырылған тауарлар, сондай-ақ еркін қойма кедендік рәсімімен орналастырылмаған Одақ тауарлары және өзге де кедендік рәсімдермен орналастырылған шетелдік тауарлар орналастырылуы және пайдаланылуы мүмкін.
Тармақ 3. Одақтың тауарлары еркін қойма кедендік рәсімімен декларанттың таңдауы бойынша орналастырылады.
Тармақ 4. Еркін қоймада орналасқан және еркін қойма кедендік рәсімімен орналастырылмаған Одақ тауарларына қатысты кез келген, оның ішінде осы Кодекстің 213-бабының 1-тармағында көзделген операцияларды жасауға жол беріледі.
Тармақ 5. Еркін қойма кедендік рәсімімен орналастырылған шетелдік тауарлар шетелдік тауарлар мәртебесін сақтайды, ал еркін қойма кедендік рәсімімен орналастырған Одақ тауарлары Одақ тауарлары мәртебесін сақтайды.
Тармақ 6. Еркін қойма кедендік рәсімімен орналастырылған, Одақ тауарларынан жасалған (алынған) тауарлар Одақ тауарлары мәртебесін алады.
Тармақ 7. Еркін қойма кедендік рәсімімен орналастырылған шетел тауарларынан жасалған (алынған) тауарлар және еркін қойма кедендік рәсімімен орналастырған шетелдік тауарлардан және Одақ тауарларынан жасалған (алынған) тауарлар (бұдан әрі - еркін қойма кедендік рәсімімен орналастырылған шетел тауарларынан жасалған (алынған) тауарлар) осы тармақтың екінші абзацында көрсетілген жағдайларды қоспағанда, шетел тауарлары мәртебесін алады.
Тармақ 8. Егер еркін қоймада орналасқан тауарларды оны құрғанға дейін кеден органы еркін қойма аумағында орналасқан тауарлар ретінде немесе еркін қойма кедендік рәсімімен орналастырылған тауарлар ретінде немесе еркін қоймада жасалған (алынған) тауарлар ретінде идентификаттай алмаса, онда мұндай тауарлар оларды еркін қойма аумағынан Одақтың кедендік аумағынан тысқары әкету мақсатында Одақтың тауарлары ретінде, ал өзге мақсаттарда - Одақтың кедендік аумағына әкелінетін тауарлар ретінде қарастырылады.
Тармақ 9. Бұрын экспорт кедендік рәсіміне сәйкес Одақтың кедендік аумағынан әкетілген, осы баптың 8-тармағында көрсетілген тауарларды Одақтың кедендік аумағына әкелу кезінде мұндай тауарларға кері импорт кедендік рәсімі қолданылмайды.
Тармақ 10. Ішкі нарықты қорғау шаралары қолданылатын, еркін қойма кедендік рәсімімен орналастырылған шетелдік тауарлар, мұндай тауарларды еркін қойманың аумағынан Одақтың кедендік аумағының қалған бөлігіне әкету үшін еркін қойма кедендік рәсімімен орналастырылған шетелдік тауарлардан жасалған (алынған) шетелдік тауарларда идентификатталуға тиіс.
Тармақ 11. Еркін қойманың иесі Одақтың тауарларын осы баптың 3-тармағын ескере отырып, оларды еркін қойма кедендік рәсімімен орналастырмай еркін қойма аумағына орналастыра және (немесе) пайдалана алады.
Тармақ 12. Комиссия оларға қатысты еркін қойма кедендік рәсімі қолданылмайтын тауарлар тізбесін және (немесе) тауарлар санатын айқындауға құқылы.
Тармақ 13. Кеден органы еркін қойма кедендік рәсімімен орналастырылған тауарлардың құрамына кіретін (кірген) ретінде идентификаттауы мүмкін бөлшектер, тораптар, агрегаттар, оларды еркін қойманың аумағынан әкету мақсатында еркін қойма кедендік рәсімімен орналастырылған тауарлар ретінде қарастырылады және оларға қатысты осы Кодекстің ережелері қолданылады.