Тармақ 1. Уақытша әкелу (рұқсат беру) кедендік рәсімі - шетелдік тауарларға қатысты қолданылатын кедендік рәсім, оған сәйкес мұндай тауарлар осындай кедендік рәсіммен тауарларды орналастыру және осындай кедендік рәсімге сәйкес оларды пайдалану шарттары сақталған жағдайда кедендік баждарды, салықтарды, арнайы, демпингке қарсы, өтем баждарын ішінара төлей отырып не болмаса кедендік баждарды, салықтарды, арнайы, демпингке қарсы, өтем баждарын төлемей, Одақтың кедендік аумағында уақытша болады және пайдаланылады.
Тармақ 2. Уақытша әкелу (рұқсат беру) кедендік рәсіммен орналастырылған тауарлар (осы тарауда бұдан әрі - уақытша әкелінген тауарлар), шетелдік тауарлар мәртебесін сақтайды.
Тармақ 3. Уақытша әкелу (рұқсат беру) кедендік рәсіміне сәйкес Одақтың кедендік аумағында уақытша болуға және пайдалануға осындай уақытша болу және пайдалану шарттары кедендік әкелу баждарын, салықтарды төлемей жол берілетін тауарлар санаты, сондай-ақ осындай уақытша болудың және пайдаланудың шекті мерзімдерін Комиссия және (немесе) мүше мемлекеттердің үшінші тараппен халықаралық шарттарында айқындалады.
Тармақ 4. Уақытша әкелу (рұқсат беру) кедендік рәсімі тауарлардың мынадай:
Тармақ 5. Уақытша әкелу (рұқсат беру) кедендік рәсімін, бұрын кедендік аумақта қайта өңдеудің кедендік рәсімімен орналастырылған, осы кедендік рәсімге тауарларды қайта өңдеу өнімдерін орналастыру арқылы, кедендік аумақта қайта өңдеу кедендік рәсімінің қолданылуын тоқтата тұру үшін қолдануға жол беріледі.