Бап 227 О ратификации Договора о Таможенном кодексе Евразийского экономического союза. Уақытша әкету кедендік рәсімінің мазмұны және қолданылуы

Тармақ 1. Уақытша әкету кедендік рәсімі - Одақтың тауарларға қатысты қолданылатын, оған сәйкес мұндай тауарлар олардың уақытша болуы және тауарларды осы кедендік рәсіммен орналастыру және оларды мұндай кедендік рәсімге сәйкес пайдалану шарттарын сақтаған кезде кедендік әкету баждары төленбестен оларды шегінен тыс жерлерде пайдалану үшін Одақтың кедендік аумағынан әкетілетін кедендік рәсім.

Тармақ 2. Уақытша әкету кедендік рәсімімен орналастырылған және Одақтың кедендік аумағынан іс жүзінде әкетілген тауарлар (бұдан әрі осы тарауда - уақытша әкетілген тауарлар) Одақтың тауарлары мәртебесін жоғалтады.

Тармақ 3. Уақытша әкету кедендік рәсімін Одақтың кедендік аумағынан әкетілген:

• 1) осы Кодекстің 231-бабы 2-тармағына сәйкес уақытша әкету кедендік рәсімінің қолданылуын аяқтау үшін уақытша әкету кедендік рәсіммен орналастырылған тауарларға;
• 2) осы Кодекстің 303-бабы 5-тармағының 2-тармақшасында көрсетілген Одақтың тауарларына қатысты қолдануға жол беріледі.

Тармақ 4. Уақытша әкету кедендік рәсімі мынадай тауарларға:

• 1) оларды жарнама және (немесе) көрсету мақсатында немесе көрме жәдігерлері не өнеркәсіптік үлгілер ретінде санаулы даналарда Одақтың кедендік аумағынан әкеткен жағдайларды қоспағанда, тамақ өнімдеріне, алкогольді қоса, сусындарға, темекі және темекі өнімдеріне, шикізатқа және жартылай фабрикаттарға жұмсалатын материалдар мен үлгілерге;
• 2) қалдықтарға, оның ішінде өнеркәсіптік қалдықтарға қатысты қолданылмайды.

Тармақ 5. Комиссия оларға қатысты оларды шетелдік тауарлармен алмастыруға жол берілетін уақытша әкетілген тауарлар санатын, сондай-ақ мұндай алмастыру жағдайларын айқындауға құқылы.

Тармақ 6. Уақытша әкету кедендік рәсімін мүше мемлекеттің заңнамасында белгіленетін жағдайларда құбыр көлігімен тасымалданатын табиғи газға қатысты қолдануға жол беріледі.