Тармақ 1. Тауарды сыныптау туралы алдын ала шешім қабылдау тәртібі осы баппен және осы Кодекстің 24 - 27-баптарымен , ал көрсетілген баптармен реттелмеген бөлігінде - мүше мемлекеттердің кедендік реттеу туралы заңнамасына сәйкес айқындалады.
Тармақ 2. Тауарды сыныптау туралы алдын ала шешімді мүше мемлекеттердің кедендік реттеу туралы заңнамасында айқындалған кеден органдары қабылдайды.
Тармақ 3. Тауарды сыныптау туралы алдын ала шешімді, кедендік транзит кедендік рәсімін қоспағанда, оны кедендік рәсіммен орналастырған кезде тауарды шығару жүргізілетін мүше мемлекеттің кеден органы қабылдайды.
Тармақ 4. Тауарды сыныптау туралы алдын ала шешім белгілі бір марканы, модельді, артикул мен модификацияны қамтитын тауардың әрбір атауы бойынша қабылданады.
Тармақ 5. Тауарды сыныптау туралы алдын ала шешімнің нысанын, оны толтыру және осындай тауарды сыныптау туралы алдын ала шешімге өзгерістер (толықтырулар) енгізу тәртібін Комиссия айқындайды.
Тармақ 6. Тауарды сыныптау туралы алдын ала шешімді алған адам оны жоғалтқан жағдайда, ол адамға осындай тауарды сыныптау туралы алдын ала шешімнің телнұсқасы беріледі.