Тармақ 1. Уақытша әкетілген тауарлар тасудың (тасымалдаудың) және (немесе) сақтаудың қалыпты жағдайлары кезіндегі табиғи тозу салдарынан болған өзгерістерден, сондай-ақ табиғи кему салдарынан болған өзгерістерден басқа, өзгеріссіз күйде қалуға тиіс.
Тармақ 2. Күрделі жөндеуді, жаңғыртуды, техникалық қызмет көрсетуді қоспағанда, уақытша әкетілген тауарлармен олардың сақталуын қамтамасыз ету үшін, жөндеуді қоса алғанда қажетті операцияларды және оларды кері импорттың кедендік рәсіммен орналастыру кезінде кеден органы тауарларды сәйкестендіруді қамтамасыз еткен жағдайда тауарларды қалыпты күйде ұстау үшін қажетті басқа да операцияларды жасауға жол беріледі.