Тармақ 1. Бажсыз сауда кедендік рәсімінің қолданылуы осы кедендік рәсімімен орналастырылған тауарларды осы Кодекстің 243-бабы 2-тармағының 3-тармақшасында көрсетілген тұлғаларға шетелдік тауарларды өткізуді қоспағанда, осы Кодекстің 243-бабы 2-тармағында көрсетілген тұлғаларға бажсыз сауда дүкендерінде өткізу арқылы аяқталады.
Тармақ 2. Бажсыз сауда кедендік рәсімімен орналастырылған шетелдік тауарларды бажсыз сауда дүкендерінде осы Кодекстің 243-бабы 2-тармағының 3-тармақшасында көрсетілген тұлғаларға өткізу кезінде бажсыз сауда кедендік рәсімінің қызметі осы шетел тауарларын ішкі тұтыну үшін шығару кедендік рәсімімен орналастыру арқылы аяқталады.
Тармақ 3. Осы баптың 2-тармағында көрсетілген шетел тауарларын ішкі тұтыну үшін шығару кедендік рәсімімен орналастыру үшін тауарларға арналған декларация осы тауарлар өткізілген айдан кейінгі айдың 10-ы күнінен кешіктірмей бажсыз сауда дүкенінің иесі беруге тиіс.
Тармақ 4. Бажсыз сауда кедендік рәсімімен орналастырылған шетелдік тауарларға қатысты бажсыз сауда кедендік рәсімінің қолданылуы:
Тармақ 5. Бажсыз сауда кедендік рәсімімен орналастырылған Одақ тауарларына қатысты бажсыз сауда кедендік рәсімінің қолданылуы:
Тармақ 6. Бажсыз сауда дүкенінің қызмет етуі тоқтатылған жағдайда, көрсетілген бажсыз сауда дүкенінің қызмет етуі тоқтатылған күннен кейінгі күннен бастап 3 ай ішінде бажсыз сауда кедендік рәсімімен орналастырылған шетел тауарлары - шетел тауарларына қолданылатын кедендік рәсімдерге орналастыруға, ал Одақ тауарлары - экспорт кедендік рәсімімен орналастыруға немесе бажсыз сауда дүкендерінен Одақтың кедендік аумағына әкетуге жатады.