Тармақ 1. Одақтың кедендік шекарасы арқылы тауарларды өткізу орындарында қос дәліз жүйесі қолданылуы мүмкін.
Тармақ 2. Қос дәлізді жүйені қолдану жеке пайдалануға арналған тауарларды кедендік декларациялауға байланысты кедендік операцияларды жасау (жасамау) үшін тиісті дәлізді ("қызыл" немесе "жасыл") Одақтың кедендік шекарасы арқылы өтетін жеке тұлғаның өзінін қалауын көздейді.
Тармақ 3. "Жасыл" дәліздің кіру (келу) сызығынан өткен жеке тұлға кедендік декларациялауға жататын, тауарлары жоқтығы туралы өтініші бар жеке тұлға болып табылады.
Тармақ 4. Одақтың кедендік шекарасы арқылы тауарларды өткізу орындарындағы қос дәліз жүйесіне жағдай жасау талаптарын Комиссия айқындайды.
Тармақ 5. Қос дәліз жүйесі қолданылатын Одақтың кедендік шекарасы арқылы тауарларды өткізу орындарының тізбесі, сондай-ақ осындай тізбені қалыптастыру тәртібі мүше мемлекеттердің кедендік реттеу туралы заңнамасына сәйкес анықталады.
Тармақ 6. Қос дәліз жүйесі Одақтың кедендік шекарасы арқылы тауарларды өткізу орындарында ұйымдастырылған ресми тұлғалар мен делегациялар залдарында қолданылмайды.
Тармақ 7. Кедендік бақылаудың жекелеген нысандарын "жасыл" дәлізде қолданбау ол жеке тұлғаның мүше мемлекеттердің заңнамасында және (немесе) кедендік реттеу саласындағы актілерді және халықаралық шарттарды сақтау міндетінен босатылады дегенді білдірмейді.
Тармақ 8. Одақтың кедендік шекарасы арқылы тауарларды өткізу орындарында туындаған жедел жағдайлар ескеріле отырып, кеден органының шешімі бойынша айрықша жағдайларда қос дәліз жүйесі уақытша қолданылмауы мүмкін.
Тармақ 9. Одақтың кедендік шекарасы арқылы тауарларды өткізу орындарындағы қос дәліз жүйесін қолданбау, осы тарауға сәйкес кедендік декларациялауға жатпайтын тауарларды кедендік декларациялауды жүзеге асыруға жеке тұлғаны міндеттеуге әкеліп соқпайды, сондай-ақ кедендік декларациялауға жататын тауарларды декларациялау қажеттілігінен жеке тұлғаны босатпайды.