Бап 270 О ратификации Договора о Таможенном кодексе Евразийского экономического союза. Жеке пайдалануға арналған тауарларға қатысты кедендік баждарды, салықтарды төлеу жөніндегі міндеттерді орындау және сондай кедендік баждарды, салықтарды өндіру тәртібі

Тармақ 1. Егер мүше мемлекеттердің заңнамасында өзгеше көзделмесе, жеке пайдалануға арналған тауарларға қатысты кедендік баждар, салықтарды төлеу жөніндегі міндетті кедендік баждарды, салықтарды төлеуші осы Кодекске сәйкес кедендік баждар, салықтарды төлеу бойынша ортақ міндетті немесе егер бұл мүше мемлекеттердің заңнамасында көзделсе, кедендік баждарды, салықтарды төлеу бойынша субсидиарлық міндетті кедендік баждарды, салықтарды төлеушімен бірге көтеретін тұлғалар орындайды.

Тармақ 2. Жеке пайдалануға арналған тауарларға қатысты кедендік баждар, салықтарды төлеу жөніндегі міндеттер осы Кодекстің 266 , 268 және 269-баптарында белгіленген тәртіппен және мерзімде осы Кодекске сәйкес есептелген және төлеуге жататын сомалар мөлшерінде төлеу арқылы орындалады.

Тармақ 3. Осы Кодексте белгіленген мерзімде кедендік баждар, салықтарды төлеу жөніндегі міндетті төлеуші орындамаған немесе тиісінше орындамаған кезде өсімпұл төленеді.

Тармақ 4. Жеке пайдалануға арналған тауарларға қатысты кедендік баждар, салықтарды төлеу жөніндегі міндеттер орындалмаған немесе тиісінше орындалмаған жағдайда, мүше мемлекеттің заңнамасына сәйкес белгіленген тәртіпте және мерзімдерде, кедендік баждар, салықтарды төлеушіге, сондай-ақ осы Кодекске сәйкес кедендік баждар, салықтарды төлеу бойынша ортақ міндетті немесе егер бұл мүше мемлекеттің заңнамасында көзделсе, осы баптың 6-тармағына сәйкес мүше мемлекеттердің заңнамасында белгіленген жағдайларды, осы баптың 5-тармағымен көзделген жағдайларды қоспағанда, белгіленген мерзімде төленбеген кедендік баждар, салықтар туралы хабарлама жібереді.

Тармақ 5. Кеден органы осы баптың 4-тармағында көрсетілген хабарламаны мынадай:

• 1) осы Кодекстің 266-бабының 24-тармағына сәйкес Комиссия айқындаған бір кедендік кіріс ордерінде немесе басқа кедендік құжатта есептелген кедендік баждар, салықтарды төлемеу фактісі жеке пайдалануға арналған тауарларды шығарғаннан кейін анықталған, осы Кодекске сәйкес кедендік баждар, салықтарды есептеу үшін валюта бағамын қолдану күніне белгіленген валюта бағамы бойынша 2 евроға барабар сомадан аспайтын мөлшерде болған;
• 2) осы Кодекстің 266-бабының 26-тармағында көрсетілген кедендік баждар, салықтар бір есепте есептелген кедендік баждар, салықтарды төлемеу фактісі анықталған, осы Кодекске сәйкес кедендік баждар, салықтарды есептеу үшін валюта бағамын қолдану күніне белгіленген валюта бағамы бойынша 2 евроға барабар сомадан аспайтын мөлшерде болған жағдайларда жолдамайды.

Тармақ 6. Мүше мемлекеттердің заңнамасында осы баптың 5-тармағында көрсетілген жағдайға Қарағанда, осы баптың 4-тармағында көрсетілген хабарлама жолданбайтын өзге жағдайлар белгіленуі мүмкін.

Тармақ 7. Осы баптың 5-тармағына көрсетілген жағдайларда жеке пайдалануға арналған тауарларға қатысты кедендік баждар, салықтарды төлеу жөніндегі міндет тоқтатылады.

Тармақ 8. Осы баптың 4-тармағына сәйкес жолданған хабарламада көрсетілген мерзімде жеке пайдалануға арналған тауарларға қатысты кедендік баждар, салықтарды төлеу жөніндегі міндеттер орындалмаған немесе тиісінше орындалмаған жағдайда, сондай-ақ осы баптың 6-тармағына сәйкес мүше мемлекеттердің заңнамаларында белгіленген жағдайларда мұндай хабарлама жолданбаса, жеке пайдалануға арналған тауарларға қатысты кедендік баждарды, салықтарды өндіріп алуды жүзеге асыратын кеден органы осы бапты ескере отырып, осы Кодекстің 11-тарауына сәйкес кедендік баждар, салықтарды өндіріп алу бойынша шаралар қабылдайды.

Тармақ 9. Жеке пайдалануға арналған тауарларға қатысты кедендік баждар, салықтарды өндіріп алу бойынша шараларға осы Кодекстің 68-бабының 2-тармағында көрсетілген шаралар жатады.

Тармақ 10. Осы Кодекстің 68-бабының 2-тармағында көрсетілген шараларға қосымша мүше мемлекеттің заңнамасында кедендік баждар, салықтар төленбеген тауарларға қатысты өндіріп алу ретінде кедендік баждар, салықтарды өндіріп алу бойынша шаралар және жеке пайдалануға арналған тауарларға қатысты кедендік баждар, салықтарды өндіріп алу бойынша өзге де шаралар қолданылуы мүмкін.

Тармақ 11. Жеке пайдалануға арналған тауарларға қатысты кедендік баждар, салықтарды өндіріп алу бойынша шаралар мынадай жағдайларда:

• 1) мүше мемлекеттің заңнамасында белгіленген кедендік баждар, салықтарды өндіріп алуды жүзеге асыратын кеден органының жеке пайдалануға арналған тауарларға қатысты төленбеген кедендік баждар, салықтарды өндіріп алу мерзімі өткен;
• 2) жеке пайдалануға арналған тауарларға қатысты кедендік баждар, салықтар төлеу жөніндегі міндет кедендік баждар, салықтарды төлеуге байланысты не осы Кодекстің 268-бабының 2 және 13-тармақтарында және 269-бабының 2 және 3-тармақтарында көзделген өзге мән-жайларға байланысты тоқтатылған;
• 3) жеке пайдалануға арналған тауарларға қатысты кедендік баждар, салықтар төлеу жөніндегі міндет осы баптың 10-тармағының екінші абзацына сәйкес белгіленген кедендік баждар, салықтарды өндіріп алу бойынша шараларды қолдануға байланысты тоқтатылған;
• 4) мүше мемлекеттің заңнамасына сәйкес кедендік баждар, салықтар сомасын өндіріп алу мүмкін болмаған, осы сомаларды өндіріп алуды жүзеге асырған кеден органы өндіріп алуға үмітсіз деп танылған;
• 5) осы Кодекске сәйкес жеке пайдалануға арналған тауарларға қатысты кедендік баждар, салықтар төлеу жөніндегі міндеті туындаған жеке тұлғаның өлімі немесе мүше мемлекеттің заңнамасына сәйкес оның қайтыс болғаны жарияланған;
• 6) өндіріп алуды жүргізетін кеден органы мүше мемлекеттің заңнамасында белгіленген өзге жағдайларда қолданбайды.

Тармақ 12. Жеке пайдалануға арналған тауарларға қатысты кедендік баждар, салықтарды осы тармақтың екінші абзацындағы ережелерді ескере отырып, осы Кодекстің 69-бабында көрсетілген кеден органдары өндіріп алады.

Тармақ 13. Өндіріп алу мүмкін болмаған жеке пайдалануға арналған тауарларға қатысты кедендік баждар, салықтар, кедендік алымдар сомалары, өсімпұлдар өндіріп алуға үмітсіз деп танылады және осындай сомаларды өндіріп алуды жүзеге асырған кеден органы мүше мемлекеттің заңнамасында белгіленген тәртіпте және негіздерде есептен шығарады.

Тармақ 14. Комиссия бір және сол жеке пайдалануға арналған тауарларға қатысты кедендік баждар, салықтар төлеу жөніндегі міндеттер әр түрлі мән жайлар және (немесе) бірнеше рет туындаған жағдайда, кедендік баждар, салықтар төлеу жөніндегі міндеттердің орындалу ерекшеліктерін, сондай-ақ егер осы Кодекске сәйкес кедендік баждар, салықтар түрлі мүше мемлекеттерде әртүрлі мән-жайлар бойынша төлеуге тиіс жағдайларда кеден органдарының өзара іс-қимыл тәртібін айқындауға құқылы.