Тармақ 1. Уақытша әкелінетін халықаралық тасымалдаудың көлік құралдары кедендік әкелу баждарын, салықтарды, арнайы, демпингке қарсы, өтем баждарын төлемей, Одақтың кедендік аумағына әкелінеді.
Тармақ 2. Одақтың кедендік аумағына уақытша әкелінген халықаралық тасымалдаудың көлік құралдары шетелдік тауарлар мәртебесін сақтайды.
Тармақ 3. Уақытша әкелінетін халықаралық тасымалдаудың көлік құралдары осы Кодекстің 274-бабына сәйкес белгіленген (ұзартылған) мерзім өткенге дейін кедендік транзит кедендік рәсімін қоспағанда, Одақтың кедендік аумағынан кері әкетуге не шетелдік тауарларға қолданылатын кедендік рәсімдермен орналастыруға жатады.