Тармақ 1. Одақтың кедендік шекарасы арқылы өткізілетін халықаралық тасымалдаудың көлік құралдары:
Тармақ 2. Тасымалдаушы халықаралық тасымалдау көлік құралдарының декларанты болып шығады.
Тармақ 3. Халықаралық тасымалдау көлік құралдарын кедендік декларациялау көлік құралына арналған декларацияны пайдана отырып жүзеге асырылады.
Тармақ 4. Көлік құралына арналған декларация ретінде көлік саласындағы мүше мемлекеттердің үшінші тараппен жасалған халықаралық шарттарында көзделген тасымалдаушының стандартты құжаттары пайдаланылуы мүмкін.
Тармақ 5. Электрондық құжат түрінде көлік құралына арналған декларацияны берген кезде кеден органына көлік құралына арналған декларацияда мәлімделген мәліметті растайтын құжаттарды ұсыну қажет емес.
Тармақ 6. Кедендік декларациялау жазбаша нысанда жүзеге асырылған уақытша әкелінген халықаралық тасымалдаудың көлік құралдарын Одақтың кедендік аумағынан кері әкету және уақытша әкетілген халықаралық тасымалдаудың көлік құралдарын Одақтың кедендік аумағына кері әкелу кезінде көлік құралына арналған декларация ретінде уақытша әкелінетін және уақытша әкетілетін халықаралық тасымалдаудың көлік құралдарын кедендік декларациялау кезінде кеден органына берілген көлік құралына арналған декларацияны пайдалануға жол беріледі.