Тармақ 1. Құбыржол көлігімен өткізілетін тауарларды Одақтың кедендік аумағына әкелуге осы Кодексте көзделген кедендік рәсімдермен олар орналастырылғаннан кейін, егер бұл мүше мемлекеттердің кедендік реттеу туралы заңнамасында көзделсе, - кедендік рәсімге сәйкес кедендік декларациялағаннан кейін жол беріледі.
Тармақ 2. Құбыржол көлігімен өткізілетін тауарларды осы Кодексте көзделген кедендік рәсімдермен олар орналастырылғаннан кейін Одақтың кедендік аумағынан әкетуге жол беріледі.
Тармақ 3. Кеден органына кедендік декларацияны берген кезде құбыржол көлігімен өткізілетін тауарларды ұсыну талап етілмейді.
Тармақ 4. Құбыржол көлігімен өткізілетін тауарларды Одақтың кедендік аумағына әкелу және Одақтың кедендік аумағынан әкету кезінде тауарларды араластыруға, сондай-ақ мүше мемлекеттердің қолданыстағы техникалық регламенттеріне және стандарттарына сәйкес тауарларды тасымалдаудың технологиялық ерекшеліктерінің және спецификалық сипаттамасының салдарынан тауарлардың санын және жай-күйін (сапасын) өзгертуге жол беріледі.
Тармақ 5. Құбыржол көлігімен өткізілетін тауарлардың саны мен (немесе) сапасы осы Кодекстің 292-бабының 1 және 2-тармақтарында көрсетілген құбыржол көлігімен өткізілетін тауарларды есептеу құрылғыларының көрсеткіштері негізінде, ал олар болмаған кезде - егер өлшеудің мұндай құралдары мен әдістерін қолдану мүше мемлекеттердің заңнамасында көзделсе, мұндай тауарлардың өзге құралдарының және мөлшерін өлшеу әдістері көрсеткіштерінің негізінде, сондай-ақ тиісті шарттар бойынша іс жүзінде жеткізілген тауарлар туралы құжаттардың, құбыржол көлігімен өткізілетін тауарларды қабылдап тапсыру-беру актілерінің (қабылдау-тапсыру), мұндай тауарлардың сапа сертификаттарының және мүше мемлекеттердің заңнамасына сәйкес айқындалатын есептік кезең ішінде құбыржол көлігімен өткізілетін тауарлардың өндірілген, жеткізілген және тұтынылған көлемдерінің атаулы бөлінуін растайтын өзге де құжаттардың негізінде айқындалады.
Тармақ 6. Құбыржол көлігімен өткізілетін тауарларды кедендік декларациялау ерекшеліктері осы Кодекстің 104-бабының 8-тармағына сәйкес айқындалады.
Тармақ 7. Одақтың кедендік аумағында құбыржол көлігімен өткізілетін шетелдік тауарларды, егер бұл құбыржол көлігімен өткізілетін кедендік бақылаудағы Одақтың тауарлары мүше мемлекеттердің заңнамасында белгіленсе, құбыржол көлігінен көліктің өзге түрлеріне не көліктің өзге түрінен құбыржол көлігіне қайта тиеуге (ауыстырып тиеуге) қызмет өңірінде мұндай жүк операциясы жасалатын кеден органының рұқсатымен жол беріледі.
Тармақ 8. Құбыржол көлігімен өткізілетін тауарлар туралы ақпарат алмасу бойынша, оның ішінде мұндай тауарлар бірнеше мүше мемлекеттердің аумақтары бойынша өткізілген жағдайда, құбыржол көлігін пайдалана отырып, аралас тасымалдауды жүзеге асыру кезінде мүше мемлекеттердің кеден органдарының өзара іс-қимыл тәртібін Комиссия айқындайды.
Тармақ 9. Мүше мемлекеттердің заңнамасында құбыржол көлігімен өткізілетін тауарларға қатысты кедендік операцияларды жасау және кедендік бақылауды жүргізу ерекшеліктері, сондай-ақ кеден органдарының осы баптың 4-тармағында көрсетілген құжаттарда белгі қою ерекшелігі белгіленуі мүмкін.