Бап 298 О ратификации Договора о Таможенном кодексе Евразийского экономического союза. Дипломатиялық өкілдіктер, консулдық мекемелер басшыларының, дипломатиялық өкілдіктердің дипломатиялық персоналы мүшелерінің, консулдық мекемелердің консулдық лауазымды тұлғаларының, сондай-ақ олардың отбасы мүшелерінің Одақтың кедендік шекарасы арқылы тауарларды өткізу шарттары

Тармақ 1. Егер дипломатиялық өкілдіктердің басшылары, дипломатиялық өкілдіктердің дипломатиялық персоналының мүшелері болу мемлекеті болып табылатын мүше мемлекетте тұрақты тұрмаса және мұндай мүше мемлекеттің азаматтары болмаса, сондай-ақ олардың өздерімен бірге тұратын отбасы мүшелері, егер ол болу мемлекеті болып табылатын мүше мемлекеттің азаматтары болып табылмаса, олар:

• 1) кедендік баждарды, салықтарды төлеуден босатыла отырып, Одақтың кедендік аумағына:
• 2) болу мемлекетінің заңнамасына сәйкес расталатын, осы мемлекетте мұндай тұлғаларға артықшылықтар беру мерзімінде жеке пайдалану үшін көлік құралдарын;
• 3) бастапқы жайғасуға арналған тауарларды қоса алғанда, жеке пайдалануға арналған өзге де тауарларды әкелуге;
• 2) кедендік баждарды төлемей, Одақтың кедендік аумағынан жеке пайдалануға арналған тауарларды әкетуге құқылы.

Тармақ 2. Егер консулдық мекемелердің басшылары және консулдық мекемелердің өзге де консулдық лауазымды адамдары, олардың өздерімен бірге тұратын отбасы мүшелері болу мемлекеті болып табылатын мүше мемлекетте тұрақты тұрмаса және осындай мүше мемлекеттің азаматтары болмаса, олар:

• 1) кедендік баждарды, салықтарды төлеуден босатыла отырып, Одақтың кедендік аумағына:
• 2) болу мемлекетінің заңнамасына сәйкес расталатын, осы мемлекетте мұндай тұлғаларға артықшылықтар беру мерзімінде жеке пайдалану үшін көлік құралдарын;
• 3) бастапқы жайғасуға арналған тауарларды қоса алғанда, жеке пайдалануға арналған өзге де тауарларды әкелуге;
• 2) кедендік баждарды төлемей Одақтың кедендік аумағынан жеке пайдалануға арналған тауарларды әкетуге құқылы.

Тармақ 3. Осы баптың 2-тармағының ережелері:

• 1) құрметті консулдық лауазымды адамдар;
• 2) консулдық ұйымда қызмет арқаратындар, құрметті консулдық қызметшілерді басқаратындар;
• 3) осы тармақтың 1 және 2-тармақшаларында көрсетілген адамдардың отбасы мүшелері Одақтың кедендік шекарасы арқылы өткізілген кезде қолданылмайды.

Тармақ 4. Мүше мемлекетте тұрақты тұрмайтын, мұндай мүше мемлекеттің азаматы болып табылмайтын, дипломатиялық өкілдерінің басшылары, дипломатиялық өкілдігінің дипломатиялық персоналының мүшелері, сондай-ақ олармен бірге тұратын отбасы мүшелері алып жүретін және (немесе) алып жүрмейтін багажда Одақтың кедендік шекарасы арқылы өткізілетін жеке пайдалануға арналған тауарлар, егер олар келу мемлекеті болып табылатын мүше мемлекеттің азаматы болып табылмаса және мұндай мүше мемлекеттің азаматы болып табылмаса, оларды әкелуге немесе әкетуге тыйым салынған не шектелген немесе мұндай тауарларға қатысты әкелу және (әкету) рұқсат тәртібі қолданылатын, сондай-ақ оларға санитариялық, ветеринаринариялық-санитариялық және карантиндік фитосанитариялық шаралар мен радиациялық талаптары қолданылатын тауарлар бар екеніне елеулі негіздемелер болмаса, кедендік тексеріп-қараудан босатылады. Мұндай тауарларды кедендік тексеріп қараудан өткізу тек осы адамдардың немесе олардың өкілдерінің қатысуымен жүзеге асырылады.

Тармақ 5. Консулдық мекемелердің басшылары және консулдық мекемелердің өзге де лауазымды тұлғалары, егер олар болу мемлекеті болып табылатын мүше мемлекетте тұрақты тұрмайтын болса және осындай мүше мемлекеттің азаматы болмаса, олар өзімен бірге алып жүретін және (немесе) алып жүрмейтін багажда Одақтың кедендік шекарасы арқылы өткізілетін жеке пайдалануға арналған тауарлар, сондай-ақ олармен бірге тұратын көрсетілген отбасы мүшелері өзімен бірге алып жүретін және (немесе) алып жүрмейтін багажда Одақтың кедендік шекарасы арқылы өткізілетін жеке пайдалануға арналған тауарлар, егер олар келу мемлекеті болып табылатын мүше мемлекеттің азаматы болып табылмаса және мұндай мүше мемлекеттің азаматы болып табылмаса, оларды әкелуге немесе әкетуге тыйым салынған не шектелген немесе мұндай тауарларға қатысты әкелу және (әкету) рұқсат тәртібі қолданылатын, сондай-ақ оларға санитариялық, ветеринаринариялық-санитариялық және карантиндік фитосанитариялық шаралар мен радиациялық талаптар қолданылатын тауарлар бар екеніне елеулі негіздемелер болмаса, кедендік тексеріп-қараудан босатылады. Мұндай тауарларды кедендік тексеріп қараудан өткізу тек көрсетілген адамдардың немесе олардың өкілдерінің қатысуымен жүзеге асырылуға тиіс.

Тармақ 6. Егер мүше мемлекеттердің үшінші тараппен халықаралық шарттары және соның ішінде тұрақты тұратын және (немесе) мемлекеттің азаматтары болып табылатын, осы бапта көрсетілген жеке тұлғалар үшін мүше мемлекеттер арасындағы халықаралық шарттар, осы бапқа қарағанда артықшылықтар мен иммунитеттердің үлкен көлемі қарастырылса, онда мұндай тұлғаларға Одақтың кедендік аумағы арқылы өткізілетін тауарларға қатысты үшінші тараппен мүше мемлекеттердің халықаралық шарттарында және мүше мемлекеттер арасындағы халықаралық шарттарда көзделген артықшылықтар мен иммунитеттердің көлемі ұсынылады.