Тармақ 1. Осы тарауда Одақтың кедендік шекарасы арқылы Одақтың тауарларын, оның ішінде пошта жөнелтілімдерінде жөнелтілетін және Одақтың кедендік шекарасы арқылы жеке тұлғалар өткізетін жеке пайдалануға арналған тауарларды, сондай-ақ құбыржол көлігімен және электр беру желілері бойынша өткізілетін тауарларды қоспағанда, Одақтың мүшелері болып табылмайтын мемлекеттердің аумақтары арқылы Одақтың кедендік аумағының бір бөлігінен Одақтың кедендік аумағының басқа бөлігіне және (немесе) теңізбен тасымалданатын, осы баптың 4-тармағында көрсетілген шетелдік тауарларды өткізу тәртібінің және шарттарының ерекшеліктері айқындалады.
Тармақ 2. Осы баптың 1-тармағында көрсетілген тауарлардың Одақтың кедендік аумағына келуі және мұндай тауарлардың Одақтың кедендік аумағынан кетуі осы тарауда көзделген ерекшеліктер ескеріле отырып, осы Кодекстің 14 және 15-тарауларына сәйкес жүзеге асырылады.
Тармақ 3. Одақтың тауарлары, оларды Одақтың мүшелері болып табылмайтын мемлекеттердің аумақтары арқылы Одақтың кедендік аумағының бір бөлігінен Одақтың кедендік аумағының басқа бөлігіне және (немесе) теңізбен тасымалдау үшін осы баптың 5-тармағында көзделген жағдайларда Одақтың мұндай тауарларының өткізілуін (тасымалдауын) қоспағанда, кедендік транзит кедендік рәсіммен орналастыруға жатады.
Тармақ 4. Кедендік аумақта қайта өңдеу кедендік рәсімімен, ішкі тұтынуға қайта өңдеу кедендік рәсімімен, уақытша әкелу (жіберу) кедендік рәсіммен орналастырылған шетелдік тауарлар, сондай-ақ Одақтың кедендік аумағында қайта өңдеу бойынша операциялар нәтижесінде немесе ішкі тұтынуға қайта өңдеу бойынша операциялардың нәтижесінде (қайта өңдеу өнімдері, қалдықтар) алынған (қалыптасқан) шетелдік тауарлар, оларды Одақтың мүшелері болып табылмайтын мемлекеттердің аумақтары арқылы Одақтың кедендік аумағының бір бөлігінен Одақтың кедендік аумағының басқа бөлігіне және (немесе) теңізбен тасымалдау үшін осы баптың 5-тармағының l-тармақшасында көзделген жағдайларда мұндай шетелдік тауарлардың өткізілуін (тасымалдауын) қоспағанда, кедендік транзит кедендік рәсіммен орналастыруға жатады.
Тармақ 5. Одақтың мүшелері болып табылмайтын мемлекеттердің аумақтары арқылы Одақтың кедендік аумағының бір бөлігінен Одақтың кедендік аумағының басқа бөлігіне және (немесе) теңізбен өткізу (тасымалдау) үшін кедендік транзит кедендік рәсіммен орналастыруға жатпайды:
Тармақ 6. Құрылыс (құру, құрылыс), объектілерде жұмыс істеуді (пайдалануын, қолдануын) және тіршілік етуін қамтамасыз ету мақсатында, сондай-ақ мүше мемлекеттің аумағы мен объектілер арасында жеке тұлғалардың және тауарлардың тасымалын жүзеге асыратын әуе және су кемелеріне қалыпты пайдалануын және техникалық қызмет көрсетуін қамтамасыз ету мақсатында әуе немесе су көлігімен тасымалданатын Одақтың тауарлары Одақтың кедендік аумағының бір бөлігінен мүше мемлекеттердің құрылықтық қайраңын қоса алғанда, егеменді құқықтары мен айрықша заңдық құзыры болатын мүше мемлекеттің аумағына өткізу (тасымалдау) үшін кедендік транзит кедендік рәсіммен орналастыруға жатпайды.
Тармақ 7. Осы баптың 5-тармағының 2-тармақшасында көрсетілген, осы баптың 5-тармағының 1-тармақшасына сәйкес тасымалданатын Одақтың тауарларына қатысты Одақтың мүшелері болып табылмайтын мемлекеттің аумағында әуе кемесі қонуды не мұндай мемлекеттің портына су кемесі кіруді жасамай әуе немесе су көлігімен тасымалданатын Одақтың тауарларын және шетелдік тауарларды Одақтың кедендік шекарасы арқылы өткізудің тәртібін және шарттарын реттейтін осы тараудың ережесі қолданылады.
Тармақ 8. Кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы баптың 4-тармағында көрсетілген шетелдік тауарларды кедендік транзит кедендік рәсіммен орналастырған кезде туындамайды.
Тармақ 9. Одақтың мүшелері болып табылмайтын мемлекеттердің аумақтары арқылы Одақтың кедендік аумағының бір бөлігінен Одақтың кедендік аумағының басқа бөлігіне және (немесе) теңізбен өткізілетін (тасымалданатын) жеке пайдалануға арналған тауарларды Одақтың кедендік шекарасы арқылы өткізу ерекшеліктерін Комиссия айқындайды.