Бап 309 — О ратификации Договора о Таможенном кодексе Евразийского экономического союза. Кедендік транзит кедендік рәсімімен орналастырылатын (орналастырылған) Одақтың тауарларына қатысты кедендік әкету баждарын төлеу бойынша міндеттің туындауы және тоқтатылуы, оларды төлеу және есептеу мерзімі

Тармақ 2. Кедендік транзит кедендік рәсімімен орналастырылатын Одақтың тауарларына қатысты кедендік әкету баждарын төлеу бойынша міндет декларантта мынадай мән-жайларда тоқтатылады:

1) осы Кодекстің 151-бабына сәйкес кедендік транзит кедендік рәсімнің қолданысы аяқталғанда;
2) кедендік транзит кедендік рәсім қолданысы оларға қатысты аяқталған Одақтың тауарлары осы Кодекстің 129-бабының 7-тармағына сәйкес кедендік рәсіммен орналастырғанда;
3) кедендік әкету баждарын төлеу бойынша міндетті орындағанда және (немесе) осы баптың 4-тармағына сәйкес есептелген және төлеуге жататын мөлшерде оларды өндіріп алғанда;
4) кедендік транзит кедендік рәсіміне сәйкес Одақтың тауарларын шығарудан бас тартқанда - транзиттік декларацияны тіркеу кезінде туындаған кедендік әкету баждарын төлеу бойынша міндетке қатысты;
5) осы Кодекстің 113-бабына сәйкес транзиттік декларацияны кері шақыртқанда және (немесе) Одақтың тауарларын шығару осы Кодекстің 118-бабының 4-тармағына сәйкес жойғанда - транзиттік декларацияны тіркеу кезінде туындаған кедендік әкету баждарын төлеу бойынша міндетке қатысты;
6) мүше мемлекеттердің заңнамасына сәйкес осы мүше мемлекеттің меншігіне (кірісіне) Одақтың тауарларын тәркілеу немесе олардың айнылымы;
7) кеден органы Одақтың тауарларын осы Кодекстің 51-тарауына сәйкес ұстағанда;
8) қылмыс туралы хабарламаны тексеру барысында, қылмыстық іс немесе әкімшілік құқық бұзушылық туралы іс бойынша өндіріс барысында (әкімшілік процесті жүргізу) алынған немесе тыйым салынған және оларға қатысты егер бұрын Одақтың мұндай тауарларын шығару жүргізілмесе, оларды қайтару туралы шешім қабылданған Одақтың тауарларын уақытша сақтауға қойғанда немесе бір рәсімге орналастырғанда.

Тармақ 3. Кедендік әкету баждарын төлеу бойынша міндет, егер кедендік транзит кедендік рәсіммен орналастырылған және Одақтың кедендік аумағынан әкетілген Одақтың мүшелері болып табылмайтын мемлекеттердің аумақтары арқылы Одақтың кедендік аумағының бір бөлігінен Одақтың кедендік аумағының басқа бөлігіне және (немесе) теңізден өткізілетін (тасымалданатын) Одақтың тауарлары, Одақтың кедендік аумағына әкелінбеген жағдайда, орындауға жатады.

Тармақ 4. Осы баптың 3-тармағында көрсетілген мән-жайлар орын алған кезде кедендік әкету баждары, егер кедендік транзит кедендік рәсіммен орналастырылған Одақтың тауарлары кедендік әкету баждарын төлеу бойынша жеңілдіктерін қолданбай экспорт кедендік рәсімімен орналастырылатындай болса, төлеуге жатады.

Тармақ 5. Одақтың кедендік аумағынан әкетілген кедендік транзит кедендік рәсімімен орналастырылған тауарларды Одақтың кедендік аумағына әкелген жағдайда, мұндай тауарларды осы Кодекстің 129-бабының 7-тармағына сәйкес кедендік рәсімдерге орналастыру, кедендік әкету баждарын төлеу және (немесе) оларды өндіріп алу (толық немесе ішінара) бойынша міндетті орындағаннан кейін осы бапқа сәйкес төленген және (немесе) өндіріп алынған кедендік әкету баждарының сомалары осы Кодекстің 10-тарауына сәйкес қайтаруға (есепке жатқызуға) жатады.

Тармақ 6. Егер кедендік әкету баждарын, сомаларын төлеу бойынша міндеттің орындалуын қамтамасыз ету, осы Кодекстің 62-бабының 3-тармағына сәйкес кедендік транзит кедендік рәсімімен орналастырылған тауарлардың декларантына қарағанда, өзге тұлғаға берілсе, мұндай өзге тұлға декларантпен кедендік әкету баждарын төлеу бойынша ортақ міндетте болады.

Тармақ 1. Осы тарауда электрондық сауда тауарларын Одақтың кедендік аумағына әкелу, олардың Одақтың кедендік аумағында болуы және пайдаланылуы, электрондық сауда тауарларын уақытша сақтауға, кедендік декларациялауға және шығаруға байланысты кедендік операцияларды жасау тәртібі мен шарттарының ерекшеліктері, электрондық сауда тауарларына қатысты кеден қоймасының кедендік рәсімін қолдану, сондай-ақ осындай тауарлар мен Одақтың кедендік аумағынан әкетілетін электрондық сауда тауарларына қатысты кедендік төлемдерді қолдану ерекшеліктері айқындалады.

Тармақ 2. Одақтың кедендік аумағына әкелінген тауарларға қатысты кедендік операциялар осы тарауда белгіленген электрондық сауда тауарларын Одақтың кедендік шекарасы арқылы өткізу тәртібі мен шарттарының ерекшеліктері қолданыла отырып жасалған тауарлар олар шығарылғаннан кейін коммерциялық қызметте пайдаланылмауға тиіс.

Тармақ 3. Комиссия осы тараудың ережелері қолданылмайтын электрондық сауда тауарларының және (немесе) электрондық сауда тауарлары санаттарының тізбесін айқындауға құқылы. Мұндай тауарлар осы Кодекстің өзге де тарауларында белгіленген тәртіппен және шарттарда кедендік рәсімдерге орналастырылуға жатады.

Тармақ 4. Осы тараудың ережелері мүше мемлекеттің тұлғасы меншік иесі болып табылатын жеке тұлғаларға өткізуге арналған Одақтың кедендік аумағына әкелінетін электрондық сауда тауарларына қатысты қолданылмайды. Мұндай тауарлар осы Кодекстің өзге де тарауларында белгіленген тәртіппен және шарттарда кедендік рәсімдерге орналастырылуға жатады.

Тармақ 1. Кедендік декларацияны берумен байланысты декларант жасайтын кедендік операциялар, оның ішінде кеден органдары кедендік бақылауды жүргізген кезде осы Кодексте көзделген өзге де кедендік операцияларды:

1) Осы Кодекстің 309 4 -бабының 4-тармағына сәйкес жеке тұлғалар сатып алған электрондық сауда тауарларына қатысты осындай тауарларды кедендік декларациялауды жүзеге асыратын тұлға;
2) Кеден қоймасының кедендік рәсімімен орналастырылатын (орналастырылған), сондай-ақ осы Кодекстің 309 6 -бабының 4 және 5-тармақтарына сәйкес осы кедендік рәсімнің қолданысын аяқтау үшін кедендік рәсімдермен орналастырылатын (орналастырылған) жеке тұлғаларға өткізуге арналған электрондық сауда тауарларына қатысты осындай тауарлардың декларанты ретінде әрекет ететін электрондық сауда операторымен жасалынады.

Тармақ 2. Осы Кодекстің 309 3 -бабының 5-тармағында көрсетілген жағдайларды қоспағанда, Одақтың кедендік аумағында болу және пайдалану үшін жеке тұлғалар сатып алған электрондық сауда тауарлары кедендік декларациялауға және осы тарауда көзделген тәртіппен және шарттарда кедендік рәсімдермен орналастырылмай кеден органдарының шығаруына жатады.

Тармақ 3. Кеден қоймасының кедендік рәсімімен орналастырылған, жеке тұлғаларға өткізуге арналған Одақтың кедендік аумағында болу және пайдалану үшін электрондық сауда тауарлары осы Кодекстің 309 6 -бабында белгіленген ерекшеліктер ескеріле отырып, ішкі тұтыну үшін шығарудың кедендік рәсімімен, ал Одақтың кедендік аумағынан әкету үшін кері экспорттың кедендік рәсімімен орналастырылады.

Тармақ 1. Электрондық сауда тауарларын уақытша сақтау осы бапта көзделген ерекшеліктер ескеріле отырып, осы Кодекстің 16-тарауына сәйкес жүзеге асырылады.

Тармақ 2. Электрондық сауда тауарларын уақытша сақтау меншіктегі, шаруашылық жүргізудегі, жедел басқарудағы немесе электрондық сауда операторларынан жалға алынған құрылысжайларда, үй-жайларда (үй-жайлардың бөліктерінде) және (немесе) ашық алаңдарда (ашық алаңдардың бөліктерінде) (бұдан әрі осы тарауда - құрылысжайлар (үй-жайлар, алаңдар) жүзеге асырылады.

Тармақ 3. Уақытша сақтауға орналастырылған электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу бойынша міндет осы Кодекстің 103-бабына сәйкес, ал Одақтың кедендік аумағына халықаралық пошта жөнелтілімдерімен әкелінетін электрондық сауда тауарларына қатысты кедендік әкелу баждарын, салықтарды төлеу бойынша міндет осы Кодекстің 288-бабына сәйкес туындайды, тоқтатылады және орындалуға жатады.

Тармақ 4. Электрондық сауда операторларының тізілімінен алып тасталған жағдайда заңды тұлға уақытша сақтауға орналастырылған электрондық сауда тауарларына қатысты оларды шығару үшін қажетті кедендік операцияларды жасауды осындай заңды тұлға электрондық сауда операторларының тізілімінен алып тасталған күннен кейінгі күннен бастап 30 жұмыс күні ішінде қамтамасыз етуге міндетті.

Тармақ 5. Егер осы Кодекстің 101-бабында көзделген электрондық сауда тауарларын уақытша сақтау мерзімі өткенге дейін жеке тұлғалар сатып алған электрондық сауда тауарларына қатысты кедендік декларациялауды және өзге де кедендік операцияларды осы Кодекстің 309 4 -бабы 1-тармағының бірінші абзацында көрсетілген тұлға жасамаған жағдайда, мұндай электрондық сауда тауарларын электрондық сауда операторы кеден органының рұқсатымен кедендік декларацияламай және кедендік рәсімдерге орналастырмай Одақтың кедендік аумағынан әкетуі не мемлекет пайдасына бас тартудың кедендік рәсімімен немесе жоюдың кедендік рәсімімен орналастырылуы мүмкін.

Тармақ 1. Жеке тұлғалар сатып алған, Одақтың кедендік аумағына әкелінетін электрондық сауда тауарларының декларанттары 16 жасқа толған осындай тауарларды алушылар болып табылатын жеке тұлғалар бола алады.

Тармақ 2. Осы Кодекстің 309 6 -бабының 4-тармағының 1 - 3-тармақшаларына және 5-тармағына сәйкес кеден қоймасының кедендік рәсімінің қолданысын аяқтау үшін кеден қоймасының кедендік рәсімімен және өзге де кедендік рәсімдермен орналастырылатын жеке тұлғаларға өткізуге арналған электрондық сауда тауарларының декларанты электрондық сауда операторы бола алады.

Тармақ 3. Жеке тұлғалар сатып алған электрондық сауда тауарларын, сондай-ақ жеке тұлғаларға өткізуге арналған, оның ішінде осы Кодекстің 309 6 -бабы 4-тармағының 1 және 3-тармақшаларында және 5-тармағында көрсетілген кеден қоймасының кедендік рәсімінің қолданысын аяқтау үшін кедендік рәсімдермен орналастырылатын электрондық сауда тауарларын кедендік декларациялау электрондық сауда тауарларына арналған декларация пайдаланыла отырып жүргізіледі.

Тармақ 4. Жеке тұлғалар сатып алған электрондық сауда тауарларын кедендік декларациялауды электрондық сауда операторы не осы баптың 1-тармағының бірініші абзацына сәйкес осындай тауарлардың декларанты бола алатын тұлға жүзеге асырады.

Тармақ 5. Осы Кодекстің 309 6 -бабының 4-тармағының 1 - 3-тармақшасына және 5-тармағына сәйкес жеке тұлғаларға өткізуге арналған, кеден қоймасының кедендік рәсімімен, сондай-ақ осы кедендік рәсімнің қолданысын аяқтау үшін кедендік рәсімдермен орналастырылатын электрондық сауда тауарларын кедендік декларациялауды электрондық сауда операторы жүзеге асырады.

Тармақ 1. Жеке тұлғалар сатып алған, Одақтың кедендік аумағына әкелінетін электрондық сауда тауарларын шығаруды кеден органы:

1) осы тарауға сәйкес электрондық сауда тауарларына қатысты кедендік баж төленген;
2) осы Кодекстің 7-бабына сәйкес тыйым салулар мен шектеулер сақталған;
3) егер мүше мемлекеттердің заңнамасына сәйкес кедендік алымдар белгіленсе және оларды төлеу мерзімі тауарлар шығарылғанға дейін, оның ішінде электрондық сауда тауарларына арналған декларацияны тіркелгенге дейін белгіленсе, кеден органдарының тауарларды шығаруға байланысты іс-қимылдар жасағаны үшін кедендік алымдар төленген жағдайда жүргізеді.

Тармақ 2. Осы баптың 1-тармағында көрсетілген электрондық сауда тауарларын шығару осы Кодекстің 119-бабында белгіленген мерзімдерде аяқталуға тиіс.

Тармақ 3. Осы баптың 1-тармағында көрсетілген электрондық сауда тауарлары Одақ тауарлары мәртебесіне олар шығарылған кезден бастап ие болады.

Тармақ 1. Кеден қоймасының кедендік рәсімі осы байта көзделген ерекшеліктер ескеріле отырып, осы Кодекстің 23-тарауында белгіленген тәртіппен және шарттарда жеке тұлғаларға өткізуге арналған электрондық сауда тауарларына қатысты қолданылады.

Тармақ 2. Кеден қоймасының кедендік рәсімімен орналастырылған жеке тұлғаларға өткізуге арналған электрондық сауда тауарларын сақтау осындай тауарлардың декларанты болып табылатын электрондық сауда операторының құрылысжайларында (үй-жайларында, алаңдарында) жүзеге асырылады.

Тармақ 3. Осы Кодекстің 158-бабының 1 және 2-тармақтарында көрсетілген, кеден қоймасының кедендік рәсімімен орналастырылған жеке тұлғаларға өткізуге арналған электрондық сауда тауарларымен операцияларды электрондық сауда операторы жасауға құқылы.

Тармақ 4. Осы Кодекстің 157-бабында көзделген кедең қоймасының кедендік рәсімінің қолданылу мерзімі өткенге дейін осы кедендік рәсімнің қолданысы:

1) Интернет желісінің ресурстарын пайдалана отырып, электрондық сауда алаңдарында жеке тұлғалар сатып алғаннан кейін жеке тұлғаларға өткізуге арналған электрондық сауда тауарларын ішкі тұтыну үшін шығарудың кедендік рәсімімен орналастырумен;
2) егер жеке тұлғаларға өткізуге арналған электрондық сауда тауарларын кеден органы кеден қоймасының кедендік рәсімімен орналастыру кезінде тауарларды шығаруды жүргізген мүше мемлекеттің аумағынан электрондық сауда операторының кеден қоймасының кедендік рәсімімен орналастыру үшін басқа мүше мемлекеттің аумағына тасымалдау үшін осы кедендік рәсіммен орналастырған болса, мұндай тауарлар кедендік транзиттің кедендік рәсімімен орналастырумен;
3) жеке тұлғаларға өткізуге арналған электрондық сауда тауарларын кеден органы тауарларды кеден қоймасының кедендік рәсіміне сәйкес шығаруды жүргізген мүше мемлекеттің электрондық сауда операторларының тізіліміне енгізілген электрондық сауда операторының кеден қоймасының кедендік рәсімімен орналастырумен;
4) мүше мемлекеттердің кедендік реттеу туралы заңнамасына сәйкес кеден органдарының аварияның немесе еңсерілмейтін күш әсерінің салдарынан жеке тұлғаларға өткізуге арналған электрондық сауда тауарларының жойылу және (немесе) қайтарымсыз жоғалу фактісін не осы тауарларды тасымалдаудың (тасудың) және (немесе) сақтаудың қалыпты жағдайлары кезіндегі табиғи кему нәтижесінде қайтарымсыз жоғалу фактісін мойындаумен;
5) Комиссия айқындайтын және (немесе) мүше мемлекеттердің кедендік реттеу туралы заңнамасында айқындалатын, мән-жайлар олар басталғанға дейін тауарлар кедендік бақылауда болатын мән-жайлардың басталуымен аяқталады.

Тармақ 5. Осы Кодекстің 157-бабында көзделген кеден қоймасының кедендік рәсімінің қолданылу мерзімі өткенге дейін осы кедендік рәсімнің қолданысы жеке тұлғаларға өткізуге арналған электрондық сауда тауарларын, оның ішінде осы баптың 3-тармағының екінші абзацына сәйкес қалыптастырылған халықаралық пошта жөнелтілімдеріндегі тауарларды кері экспорттың кедендік рәсімімен орналастырумен аяқталуы мүмкін.

Тармақ 6. Кеден қоймасының кедендік рәсімімен орналастырылған, жеке тұлғаларға өткізуге арналған электрондық сауда тауарлары ішкі тұтыну үшін шығарудың кедендік рәсімімен немесе осы баптың 4 және 5-тармақтарында белгіленген өзге де кедендік рәсімдермен бір немесе бірнеше партиямен орналастырылуы мүмкін.

Тармақ 7. Заңды тұлға электрондық сауда операторларының тізілімінен шығарылған жағдайда, мұндай заңды тұлға:

1) заңды тұлға электрондық сауда операторларының тізілімінен шығарылған күнге дейін Интернет желісінің ресурстары пайдаланыла отырып, электрондық сауда алаңдарында жеке тұлғалар сатып алған және осы баптың 10-тармағына сәйкес құрылысжайларда (үй-жайларда, алаңдарда) тұрған немесе осындай құрылысжайлардан (үй-жайлардан, алаңдардан) әкетілген, жеке тұлғаларға өткізуге арналған электрондық сауда тауарларына қатысты осы баптың 4-тармағының 1-тармақшасына сәйкес ішкі тұтыну үшін шығарудың кедендік рәсімімен орналастыра отырып, кеден қоймасының кедендік рәсімінің қолданысын жеке тұлғаның осы тауарларды сатып алған айынан кейінгі айдың 15-күнінен кешіктірмей аяқтауға;
2) заңды тұлға электрондық сауда операторларының тізілімінен шығарылған күнге дейін Интернет желісінің ресурстары пайдаланыла отырып, электрондық сауда алаңдарында жеке тұлғалар сатып алмаған, құрылысжайларда (үй-жайларда, алаңдарда) тұрған, жеке тұлғаларға өткізуге арналған электрондық сауда тауарларына қатысты заңды тұлға электрондық сауда операторларының тізілімінен шығарылған күннен кейінгі күннен бастап күнтізбелік 60 күннен кешіктірмей, осы баптың 4-тармағының 2-тармақшасында және 5-тармағында көрсетілген кедендік рәсімдермен орналастыра отырып, кеден қоймасының кедендік рәсімінің қолданысын аяқтауға немесе осы баптың 4-тармағының 3-тармақшасында көзделген жағдайда кеден қоймасының қолданысын аяқтауды қамтамасыз етуге міндетті.

Тармақ 8. Осы баптың 4 және 5-тармақтарына сәйкес кеден қоймасының кедендік рәсімінің қолданысы аяқталмаған кезде кеден қоймасының кедендік рәсімінің қолданысы осы Кодекстің 157-бабының 1 және 2-тармақтарында көрсетілген мерзімдер өткеннен кейін тоқтатылады, ал осы баптың 10-тармағында көрсетілген электрондық сауда тауарларын қоспағанда, жеке тұлғаларға өткізуге арналған электрондық сауда тауарларын Кеден органдары осы Кодекстің 51-тарауына сәйкес кідіртеді.

Тармақ 9. Егер осы Кодекстің 157-бабы 3-тармағының екінші абзацында көзделген әрекеттер онда көрсетілген мерзімдерде жасалмаса, кеден қоймасының кедендік рәсімінің қолданысы осы мерзімдер өткеннен кейін тоқтатылады, ал тауарларды, осы баптың 10-тармағында көрсетілген электрондық сауда тауарларын қоспағанда, кеден органдары осы Кодекстің 51-тарауына сәйкес кідіртеді.

Тармақ 10. Осы баптың 4-тармағының 1-тармақшасына сәйкес кеден қоймасының кедендік рәсімінің қолданысы аяқталғанға дейін осындай тауарларды алушы болып табылатын жеке тұлғаға жеткізу үшін кеден қоймасының кедендік рәсімімен орналастырылған, жеке тұлғаларға өткізуге арналған электрондық сауда тауарларын құрылысжайлардан (үй-жайлардан, алаңдардан) әкетуге мүше мемлекеттердің кедендік реттеу туралы заңнамасына сәйкес белгіленген тәртіппен кеден органын хабардар еткеннен кейін жол беріледі

Тармақ 11. Егер электрондық сауда тауарларын электрондық сауда алаңдарында сату кезінде оларды сатып алғаннан кейін қайтару мүмкіндігі көзделген жағдайда, электрондық сауда операторы мұндай тауарларды Комиссия айқындайтын және мүше мемлекеттердің заңнамасына сәйкес айқындалатын тәртіппен сәйкестендіру шартымен, Комиссия көздеген жағдайларда немесе Комиссия реттемеген бөлікте осы баптың 13-тармағында белгіленген электрондық сауда тауарларына арналған декларацияны беру мерзімі өткен күнге дейін қайтару мүмкіндігін қамтамасыз етеді.

Тармақ 12. Кеден қоймасының кедендік рәсімімен орналастырылған, жеке тұлғаларға өткізуге арналған электрондық сауда тауарлары осы баптың 10-тармағына сәйкес кеден органын хабардар еткеннен кейін Одақ тауарлары мәртебесіне ие болады.

Тармақ 13. Осы баптың 10-тармағында көрсетілген электрондық сауда тауарларын оларға осы баптың 4-тармағының 1-тармақшасына сәйкес ішкі тұтыну үшін шығарудың кедендік рәсімімен орналастыру үшін қатысты электрондық сауда тауарларына арналған декларацияны электрондық сауда операторы кеден қоймасының кедендік рәсімінің қолданылу мерзімі ішінде, бірақ осы баптың 11-тармағына сәйкес көрсетілген электрондық сауда тауарларына арналған декларацияны беру мерзімі өткенге дейін электрондық сауда тауарларын қайтару жүргізілген жағдайын қоспағанда, жеке тұлға осы тауарларды сатып алған айдан кейінгі айдың 15-күнінен кешіктірмей беруге тиіс.

Тармақ 14. Кеден қоймасының кедендік рәсімімен орналастырылатын, жеке тұлғаларға өткізуге арналған электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет декларантта кеден органы электрондық сауда тауарларына арналған декларацияны тіркеген кезден бастап туындайды.

Тармақ 15. Декларантта кеден қоймасының кедендік рәсімімен орналастырылатын (орналастырылған), жеке тұлғаларға өткізуге арналған электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет мынадай мән-жайлар басталған:

1) осы баптың 4-тармағының 1 - 3 және 5-тармақшаларына және 5-тармағына сәйкес кеден қоймасының кедендік рәсімінің қолданысы аяқталған, оның ішінде осы баптың 17-тармағында көрсетілген мән-жайлар басталғаннан кейін осындай кедендік рәсімнің қолданысы аяқталған;
2) кеден қоймасының кедендік рәсімінің қолданысы тоқтатылған электрондық сауда тауарлары осы Кодекстің 129-бабының 7-тармағына сәйкес кедендік рәсімдермен орналастырылған;
3) кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет орындалған және (немесе) осы баптың 18-тармағына сәйкес есептелген және төленуге жататын мөлшерде оларды өндіріп алған;
4) осы Кодекске сәйкес осындай жойылғанға немесе қайтарымсыз жоғалғанға дейін осы электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу мерзімі басталған жағдайларды қоспағанда, мүше мемлекеттердің кедендік реттеу туралы заңнамасына сәйкес кеден органы электрондық сауда тауарларының авария немесе еңсерілмейтін күш әсерінің салдарынан жойылу және (немесе) қайтарымсыз жоғалу фактісін не тасымалдаудың (тасудың) және (немесе) сақтаудың қалыпты жағдайлары кезінде табиғи кему салдарынан осы тауардың қайтарымсыз жоғалу фактісін таныған;
5) электрондық сауда тауарларына арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы өтем баждарын төлеу жөніндегі міндетке қатысты - кеден қоймасының кедендік рәсіміне сәйкес электрондық сауда тауарларын шығарудан бас тартылған;
6) электрондық сауда тауарларына арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты осы Кодекстің 113-бабына сәйкес электрондық сауда тауарларына арналған декларация кері қайтарып алынған және (немесе) осы Кодекстің 118-бабының 4-тармағына сәйкес тауарлардың шығарылуы жойылған;
7) осы мүше мемлекеттің заңнамасына сәйкес электрондық сауда тауарлары тәркіленген немесе олар мүше мемлекеттің меншігіне (кірісіне) айналдырылған;
8) осы Кодекстің 51-тарауына сәйкес кеден органы электрондық сауда тауарларын кідірткен;
9) қылмыс туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу (әкімшілік процесті жүргізу) барысында алып қойылған немесе тыйым салынған және егер бұрын мұндай тауарларды шығару жүргізілмеген болса, оларға қатысты тауарларды қайтару туралы шешім қабылданған электрондық сауда тауарлары уақытша сақтауға қойылған немесе кедендік рәсімдердің бірімен орналастырылған кезде тоқтатылады.

Тармақ 16. Кеден қоймасының кедендік рәсімімен орналастырылған, жеке тұлғаларға өткізуге арналған электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет осы баптың 17-тармағында көрсетілген мән-жайлар басталған кезде орындалуға жатады.

Тармақ 17. Мынадай мән-жайлар басталған кезде:

1) аварияның немесе еңсерілмейтін күштің әсерінің салдарынан жойылуды және (немесе) қайтарымсыз жоғалтуды - не тасымалдаудың (тасудың) және (немесе) сақтаудың қалыпты жағдайлары кезінде табиғи кему салдарынан қайтарымсыз жоғалтуды қоспағанда, жеке тұлғаларға өткізуге арналған электрондық сауда тауарлары кеден қоймасының кедендік рәсімінің қолданысы аяқталғанға дейін жоғалған жағдайда - осындай жоғалту күні, ал егер бұл күн белгіленбесе - тауарларды кеден қоймасының кедендік рәсімімен орналастыру күні;
2) егер осы баптың 13-тармағында көрсетілген мерзімдер ішінде жеке тұлғаларға өткізуге арналған электрондық сауда тауарларына қатысты электрондық сауда тауарларына арналған декларация берілмеген жағдайда - осындай мерзімдердің соңғы күні;
3) жеке тұлғаларға өткізуге арналған электрондық сауда тауарлары құрылысжайлардан (үй-жайлардан, алаңдардан) осы баптың 4-тармағының 2 және 3-тармақшаларына және 5-тармағына сәйкес не осы баптың 10-тармағында көзделген кеден органына хабарламай кеден қоймасының кедендік рәсімінің қолданысы аяқталғанға дейін әкетілген жағдайда - мұндай тауарларды әкету күні, ал егер мұндай күн белгіленбесе - тауарларды кеден қоймасының кедендік рәсімімен орналастыру күні кедендік әкелу баждарын, салықтарды, арнайы, демпингке қарсы, өтем баждарын төлеу мерзімі болып саналады.

Тармақ 18. Егер кеден қоймасының кедендік рәсімімен орналастырылған, жеке тұлғаларға өткізуге арналған электрондық сауда тауарлары тарифтік преференциялар және кедендік әкелу баждары, салықтар төлеу жөніндегі жеңілдіктер қолданылмай, ішкі тұтыну үшін шығарудың кедендік рәсімімен орналастырылған болса, осы баптың 17-тармағында көрсетілген мән-жайлар басталған кезде кедендік әкелу баждары, салықтар, арнайы, демпингке қарсы, өтем баждары төленуге жатады.

Тармақ 19. Осы баптың 4-тармағының 1 - 3, 5-тармақшаларына және 5-тармағына сәйкес кеден қоймасының кедендік рәсімінің қолданысы аяқталған жағдайда не осы Кодекстің 51 -тарауына сәйкес кеден органдары кеден қоймасының кедендік рәсімімен орналастырылған, жеке тұлғаларға өткізуге арналған электрондық сауда тауарларын ұстап қалған жағдайда, осы бапқа сәйкес кедендік баждарды, салықтарды, арнайы, демпингке қарсы, өтем баждарын төлеу жөніндегі міндеті орындағаннан кейін және (немесе) олар кедендік баждардың, салықтардың, арнайы, демпингке қарсы, өтем баждарының сомаларын өндіріп алғаннан (толық немесе ішінара) кейін, осы Кодекстің 10-тарауына және 76-бабына сәйкес қайтаруға (есепке жатқызуға) жатады.

Тармақ 1. Кеден қоймасының кедендік рәсімінің қолданысын аяқтау үшін ішкі тұтыну үшін шығарудың кедендік рәсіміне орналастырылатын, жеке тұлғаларға өткізуге арналған электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет осы Кодекстің 309 6 -бабы 4-тармағының 1-тармақшасына сәйкес декларантта кеден органы электрондық сауда тауарларына арналған декларацияны тіркеген кезден бастап туындайды.

Тармақ 2. Декларантта осы Кодекстің 309 6 -бабы 4-тармағының 1 -тармақшасына сәйкес кеден қоймасының кедендік рәсімінің қолданысын аяқтау үшін ішкі тұтыну үшін шығарудың кедендік рәсіміне орналастырылатын (орналастырылған), жеке тұлғаларға өткізуге арналған электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет мынадай мән-жайлар басталған:

1) кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет орындалған және (немесе) оларды осы баптың 4 және 5-тармақтарына сәйкес есептелген және төленуге жататын мөлшерде өндіріп алынған;
2) мүше мемлекеттердің кедендік реттеу туралы заңнамасына сәйкес кеден органы электрондық сауда тауарларының авария немесе еңсерілмейтін күш әсерінің салдарынан жойылуына және (немесе) қайтарымсыз жоғалуына дейін осы Кодекске сәйкес осындай тауарларға қатысты кедендік әкелу баждарын, салықтарды төлеу мерзімі басталған жағдайларды қоспағанда, осындай тауарлардың жойылу және (немесе) қайтарымсыз жоғалу фактісін не тасудың (тасымалдаудың) және (немесе) сақтаудың қалыпты жағдайларында табиғи кему салдарынан осы тауарлардың қайтарымсыз жоғалу фактісін таныған;
3) электрондық сауда тауарларына арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты - ішкі тұтыну үшін шығарудың кедендік рәсіміне сәйкес электрондық сауда тауарларын шығарудан бас тартылған;
4) электрондық сауда тауарларына арналған декларацияны тіркеу кезінде туындаған кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндетке қатысты - осы Кодекстің 113-бабына сәйкес электрондық сауда тауарларына арналған декларация кері қайтарып алынған және (немесе) осы Кодекстің 118-бабының 4-тармағына сәйкес электрондық сауда тауарларын шығарудың күші жойылған;
5) мүше мемлекеттің заңнамасына сәйкес электрондық сауда тауарлары тәркіленген немесе олар осы мүше мемлекеттің меншігіне (кірісіне) айналдырылған;
6) осы Кодекстің 51-тарауына сәйкес кеден органы электрондық сауда тауарларын кідірткен;
7) қылмыс туралы хабарды тексеру барысында, қылмыстық іс немесе әкімшілік құқық бұзушылық туралы іс бойынша іс жүргізу (әкімшілік процесті жүргізу) барысында алып қойылған немесе тыйым салынған және егер бұрын мұндай тауарларды шығару жүргізілмеген болса, оларға қатысты оларды қайтару туралы шешім қабылданған электрондық сауда тауарлары уақытша сақтауға қойылған немесе кедендік рәсімдердің біріне орналастырылған кезде тоқтатылады.

Тармақ 3. Осы баптың 1-тармағында көрсетілген электрондық сауда тауарларына қатысты кедендік әкелу баждарын, салықтарды, арнайы, демпингке қарсы, өтем баждарын төлеу жөніндегі міндет тауарларды ішкі тұтыну үшін шығарудың кедендік рәсіміне сәйкес шығарғанға дейін орындалуға тиіс (кедендік әкелу баждары, салықтар, арнайы демпингке қарсы, өтем баждары төленуге тиіс).

Тармақ 4. Осы баптың 1-тармағында көрсетілген электрондық сауда тауарларына қатысты кедендік әкелу баждары, салықтар осы Кодекске сәйкес электрондық сауда тауарларына арналған декларацияда есептелген кедендік әкелу баждарының, салықтардың сомасы мөлшерінде төленуге тиіс.

Тармақ 5. Осы баптың 1-тармағында көрсетілген электрондық сауда тауарларына қатысты арнайы, демпингке қарсы, өтем баждары осы Кодекстің 12-тарауының ережелері ескеріле отырып, электрондық сауда тауарларына арналған декларацияда есептелген мөлшерде төлену ге тиіс.

Тармақ 1. Жеке тұлғалар сатып алған электрондық сауда тауарлары электрондық сауда тауарларына қатысты кедендік баж салу объектісі болып табылады.

Тармақ 2. Электрондық сауда тауарларына қатысты кедендік бажды есептеу мақсатында Одақтың кедендік аумағына әкелінетін, жеке тұлғалар сатып алған электрондық сауда тауарларының санатына және қолданылатын мөлшерлемелер түріне қарай оны есептеу үшін база осындай тауарлардың құны және (немесе) олардың заттай мәндегі физикалық сипаттамасы (саны, массасы, оның ішінде тауарды тұтынуға дейін тауардан ажырамайтын және (немесе) тауар бөлшек сауда үшін сонымен ұсынылатын тауардың бастапқы орамасын есепке алғандағы массасы, көлемі немесе тауардың өзге де сипаттамалар) болып табылады.

Тармақ 3. Электрондық сауда тауарларына қатысты кедендік баждың бірыңғай мөлшерлемесін Комиссия айқындайды. Кедендік баждың мұндай бірыңғай мөлшерлемесі жеке тұлғалар сатып алған электрондық сауда тауарларының санатына, құндық, салмақтық және (немесе) сандық нормаларға байланысты айқындалуы мүмкін.

Тармақ 4. Комиссия жеке тұлғалар сатып алған электрондық сауда тауарлары электрондық сауда тауарларына қатысты кедендік баж төленбей, Одақтың кедендік аумағына әкелінетін шектерде, ал Комиссия айқындайтын жағдайларда - Комиссия айқындаған нормаларға қарағанда мүше мемлекеттердің заңнамасында белгіленетін неғұрлым қатаң нормалар шегінде құндық, салмақтық және (немесе) сандық нормаларды айқындауы мүмкін.

Тармақ 5. Егер аумағынан электрондық сауда тауарлары әкетілетін мүше мемлекеттің заңнамасында өзгеше белгіленбесе, Одақтың кедендік аумағынан осындай тауарларды алушылар болып табылатын шетелдік жеке тұлғалардың атына әкетілетін электрондық сауда тауарлары Одақтың кедендік аумағынан кедендік баждар төленбей әкетіледі.

Тармақ 6. Одақтың кедендік аумағына әкелінетін және Одақтың кедендік аумағынан әкетілетін, жеке тұлғалар сатып алған электрондық сауда тауарларына қатысты кедендік алымдар осы Кодекстің 47-бабына сәйкес қолданылады.

Тармақ 7. Электрондық сауда тауарларына қатысты кедендік бажды есептеу кеден органына электрондық сауда тауарларына арналған декларация берілген мүше мемлекеттің валютасымен жүзеге асырылады.

Тармақ 8. Электрондық сауда тауарларына қатысты кедендік бажды есептеу мақсатында кеден органы электрондық сауда тауарларына арналған декларацияны тіркеген күні қолданыста болған мөлшерлемелер қолданылады.

Тармақ 9. Кедендік баждың бірыңғай мөлшерлемесін қолдана отырып төлеуге және (немесе) өндіріп алуға жататын электрондық сауда тауарларына қатысты кедендік баждың сомасы электрондық сауда тауарларына қатысты кедендік бажды және кедендік баждың тиісті бірыңғай мөлшерлемесін есептеу үшін базаны қолдану арқылы айқындалады.

Тармақ 10. Жеке тұлғалар сатып алған электрондық сауда тауарларына қатысты кедендік бажды төлеу жөніндегі міндетті орындау кезі (төлеген күні), электрондық сауда тауарларына қатысты кедендік баж сомасын және өзге де ақша қаражатын (ақшаны) қайтару (есепке жатқызу) тәртібі осы Кодекстің 6 - 10-тарауларына сәйкес айқындалады.

Тармақ 11. Осы Кодекстің 309 9 -бабына сәйкес электрондық сауда тауарларына қатысты кедендік бажды төлеу жөніндегі міндет туындаған тұлғалар электрондық сауда тауарларына қатысты кедендік бажды төлеушілер болып табылады.

Тармақ 12. Электрондық сауда тауарларына қатысты кедендік баж осы Кодекстің 61-бабының 1-тармағына сәйкес төленуге тиіс.

Тармақ 13. Электрондық сауда тауарларына қатысты кедендік баж осы Кодекстің 61-бабының 1-тармағына сәйкес осындай кедендік баж төленуге тиіс мүше мемлекеттің заңнамасына сәйкес айқындалатын шоттарға төленеді.

Тармақ 14. Электрондық сауда тауарларына қатысты кедендік баж осы баптың 12-тармағына сәйкес осындай кедендік баж төленуге тиіс мүше мемлекеттің валютасымен төленеді.

Тармақ 15. Электрондық сауда тауарларына қатысты кедендік бажды төлеу нысандары мен тәсілдері осындай кедендік баж төленуге тиіс мүше мемлекеттің заңнамасында белгіленеді.

Тармақ 16. Электрондық сауда тауарларына қатысты кедендік бажды төлеу кезінде осы Кодекстің 46-бабы 1-тармағының 1 - 4-тармақшаларында көрсетілген кедендік төлемдер төленбейді.

Тармақ 17. Электрондық сауда тауарларына қатысты кедендік бажды есептеу туралы мәліметтер электрондық сауда тауарларына арналған декларацияда көрсетіледі.

Тармақ 18. Электрондық сауда тауарларына қатысты кедендік бажды төлеу жөніндегі міндетті төлеуші орындайды.

Тармақ 19. Электрондық сауда тауарларына қатысты кедендік бажды төлеу жөніндегі міндет осы бапқа сәйкес есептелген және төленуге тиіс сомалар мөлшерінде осы Кодекстің 309 9 -бабының 5-тармағында белгіленген мерзімде оны төлеу арқылы орындалады.

Тармақ 20. Осы баптың 21-тармағының бірінші абзацында көзделген жағдайларды және осы баптың 21-тармағының екінші абзацына сәйкес мүше мемлекеттердің заңнамасында белгіленген жағдайларды қоспағанда, электрондық сауда тауарларына қатысты кедендік бажды төлеу жөніндегі міндет орындалмаған немесе тиісінше орындалмаған жағдайда, кеден органы мүше мемлекеттердің заңнамасында белгіленген тәртіппен және мерзімдерде электрондық сауда тауарларына қатысты кедендік бажды төлеушіге осындай кедендік баждың белгіленген мерзімде төленбеген сомалары туралы хабарлама жібереді.

Тармақ 21. Жеке тұлғалар сатып алған электрондық сауда тауарлары шығарылғаннан кейін осы бапқа сәйкес электрондық сауда тауарларына қатысты кедендік бажды есептеу үшін валюта бағамын қолдану күніне қолданыста болатын валюта бағамы бойынша жиынтығында 5 еуроға баламалы сомадан аспайтын мөлшерде бір жеке тұлға алушы болып табылатын тауарларға қатысты электрондық сауда тауарларына арналған бір декларацияда есептелген электрондық сауда тауарларына қатысты кедендік баждың төленбеу фактісі анықталған жағдайда, кеден органы осы баптың 20-тармағында көрсетілген хабарламаны жібермейді. Көрсетілген жағдайда электрондық сауда тауарларына қатысты кедендік бажды төлеу жөніндегі міндет тоқтатылады.

Тармақ 22. Осы баптың 20-тармағына сәйкес жіберілген хабарламада көрсетілген мерзімде электрондық сауда тауарларына қатысты кедендік бажды төлеу жөніндегі міндет орындалмаған немесе тиісінше орындалмаған жағдайда, сондай-ақ осы баптың 21-тармағының екінші абзацына сәйкес мүше мемлекеттердің заңнамасында белгіленген жағдайларда кеден органы осы баптың 23 - 27-тармақтарында көрсетілген ерекшеліктерді ескере отырып, осы Кодекстің 11-тарауына сәйкес осындай кедендік бажды өндіріп алу жөнінде шаралар қабылдайды.

Тармақ 23. Электрондық сауда тауарларына қатысты кедендік бажды өндіріп алу жөніндегі шараларға осы Кодекстің 68-бабының 2-тармағында көрсетілген шаралар жатады.

Тармақ 24. Осы Кодекстің 68-бабының 2-тармағында көрсетілген шараларға қосымша мүше мемлекеттердің заңнамасында оларға қатысты кедендік баждар, салықтар төленбеген электрондық сауда тауарларына өндіріп алуды қолдану сияқты электрондық сауда тауарларына қатысты кедендік бажды өндіріп алу бойынша шара және жеке тұлғалар сатып алған электрондық сауда тауарларына қатысты кедендік баждарды, салықтарды өндіріп алу бойынша өзге де шаралар белгіленуі мүмкін.

Тармақ 25. Осы баптың 23 және 24-тармақтарында көрсетілген электрондық сауда тауарларына қатысты кедендік бажды өндіріп алу жөніндегі шаралар кеден органы осындай кедендік бажды өндіріп алуды жүзеге асыратын мүше мемлекеттің заңнамасына сәйкес қабылданады.

Тармақ 26. Электрондық сауда тауарларына қатысты кедендік бажды өндіріп алу жөніндегі шаралар мынадай:

1) кеден органы осындай кедендік бажды өндіріп алуды жүзеге асыратын мүше мемлекеттің заңнамасында белгіленген электрондық сауда тауарларына қатысты төленбеген кедендік бажды өндіріп алу мерзімі өтіп кеткен;
2) кеден органы осы сомаларды өндіріп алуды жүзеге асырған мүше мемлекеттің заңнамасына сәйкес оларды өндіріп алу мүмкін болмаған, электрондық сауда тауарларына қатысты кедендік баж сомалары өндіріп алуға үмітсіз деп танылған;
3) электрондық сауда тауарларына қатысты кедендік бажды төлеу жөніндегі міндет осындай кедендік бажды төлеуге байланысты не осы Кодекстің 309 9 -бабының 2-тармағында көзделген өзге де мән-жайларға байланысты тоқтатылған;
4) электрондық сауда тауарларына қатысты кедендік бажды төлеу жөніндегі міндет осы баптың 24-тармағының екінші абзацына сәйкес тоқтатылған;
5) осы Кодекске сәйкес электрондық сауда тауарларына қатысты кедендік бажды төлеу міндеті туындаған жеке тұлға қайтыс болған немесе мүше мемлекеттің заңнамасына сәйкес ол қайтыс болды деп жарияланған жағдайда (осы Кодекстің 309 4 -бабы 1-тармағының бірінші абзацында көрсетілген тұлға жеке тұлғалар сатып алған электрондық сауда тауарларын кедендік декларациялаған жағдайда);
6) кеден органы өндіріп алуды жүргізетін мүше мемлекеттің заңнамасында белгіленген өзге де жағдайларда қабылданбайды.

Тармақ 27. Электрондық сауда тауарларына қатысты кедендік бажды осы Кодекстің 69-бабында көрсетілген кеден органдары өндіріп алады.

Тармақ 1. Электрондық сауда тауарларына қатысты кедендік бажды төлеу жөніндегі міндет электрондық сауда операторында, ал декларант электрондық сауда тауарларын кедендік декларациялаған жағдайда - кеден органы электрондық сауда тауарларына арналған декларацияны тіркеген кезден бастап осындай тауарлар декларантында туындайды.

Тармақ 2. Электрондық сауда тауарларына қатысты кедендік бажды төлеу жөніндегі міндет электрондық сауда операторында, ал декларант электрондық сауда тауарларын кедендік декларациялаған жағдайда - осындай тауарлар декларантында мынадай мән-жайлар басталған:

1) электрондық сауда тауарларына қатысты кедендік бажды төлеу жөніндегі міндет орындалған және (немесе) оны электрондық сауда тауарларына арналған декларацияда есептелген және осы Кодекске сәйкес төленуге тиіс мөлшерде өндіріп алған;
2) осы Кодекстің 309 8 -бабының 4-тармағына сәйкес электрондық сауда тауарларына қатысты кедендік баж төленбей Одақтың кедендік аумағына әкелінетін, жеке тұлғалар сатып алған электрондық сауда тауарлары шығарылған;
3) жеке тұлғалар сатып алған электрондық сауда тауарларының авария немесе еңсерілмейтін күш әсерінің салдарынан жойылу және (немесе) қайтарымсыз жоғалуға дейін осы бапқа сәйкес осы тауарларға қатысты электрондық сауда тауарларына қатысты кедендік бажды төлеу мерзімі басталған жағдайларды қоспағанда, мүше мемлекеттердің кедендік реттеу туралы заңнамасына сәйкес кеден органы осындай жойылу немесе қайтарымсыз жоғалу фактісін не тасымалдаудың (тасудың) және (немесе) сақтаудың қалыпты жағдайларында табиғи кему салдарынан осы тауарлардың қайтарымсыз жоғалу фактісін таныған;
4) мүше мемлекеттің заңнамасына сәйкес жеке тұлғалар сатып алған электрондық сауда тауарлары тәркіленген немесе олар осы мүше мемлекеттің меншігіне (кірісіне) айналдырылған;
5) кеден органы электрондық сауда тауарларына арналған декларацияны тіркеген кезде туындаған электрондық сауда тауарларына қатысты кедендік бажды төлеу бойынша міндетке қатысты - кеден органы жеке тұлғалар сатып алған электрондық сауда тауарларын шығарудан бас тартқан;
6) электрондық сауда тауарларына арналған декларацияны тіркеу кезінде туындаған электрондық сауда тауарларына қатысты кедендік бажды төлеу бойынша міндетке қатысты - осы Кодекстің 113-бабына сәйкес электрондық сауда тауарларына арналған декларация кері қайтарып алынған;
7) жеке тұлғалар сатып алған электрондық сауда тауарларын ұстап қалғанға дейін туындаған электрондық сауда тауарларына қатысты кедендік баждарды төлеу жөніндегі міндетке қатысты - осы Кодекстің 51-тарауына сәйкес кеден органының осындай ұстап қалған;
8) қылмыстар туралы хабарды тексеру, қылмыстық іс бойынша немесе әкімшілік құқық бұзушылық туралы (әкімшілік процесті жүргізу) іс жүргізу барысында алып қойылған немесе тыйым салынған, жеке тұлғалар сатып алған электрондық сауда тауарларын егер бұрын осы Кодекстің 309 5 -бабына сәйкес тауарларды шығару жүргізілмеген болса, оларға қатысты осы тауарларды қайтару туралы шешім қабылданғанға дейін туындаған электрондық сауда тауарларына қатысты кедендік бажды төлеу жөніндегі міндетке қатысты - оларға қатысты осындай шешім қабылданған мұндай тауарлар осы Кодекске сәйкес Одақтың кедендік аумағынан әкетілген, уақытша сақтауға орналастырылған не шығарылған;
9) жеке тұлғалар сатып алған электрондық сауда тауарлары шығарылғаннан кейін осы Кодекстің 309 8 -бабына сәйкес электрондық сауда тауарларына қатысты кедендік бажды есептеу үшін валюта бағамы қолданылатын күніндегі қолданыстағы валюта бағамы бойынша жиынтығында 5 еуроға баламалы сомадан аспайтын мөлшерде бір жеке тұлға алушы болып табылатын тауарларға қатысты электрондық сауда тауарларына арналған бір декларацияда есептелген электрондық сауда тауарларына қатысты кедендік баждың төленбеу фактісі анықталған;
10) мүше мемлекеттердің заңнамасына сәйкес өндіріп алуға үмітсіз деп танылған осындай кедендік баж сомасына қатысты - осы Кодекстің 68-бабы 4-тармағының 4-тармақшасына сәйкес электрондық сауда тауарларына қатысты кедендік бажды өндіріп алу бойынша шаралар қолданбаған кезде тоқтатылады.

Тармақ 3. Комиссия, жеке тұлға сатып алған, әкелінетін (әкетілетін) сол бір электрондық сауда тауарларына қатысты кедендік бажды төлеу жөніндегі міндет әртүрлі адамдарда түрлі мән-жайлар бойынша және (немесе) бірнеше рет туындаса, оның ішінде электрондық сауда тауарларына қатысты кедендік бажды төлеу жөніндегі міндет бір мүше мемлекетте туындап, ал осындай кедендік бажды төлеу жөніндегі міндет тоқтатылатын мән-жайлар өзге мүше мемлекетте басталса, электрондық сауда тауарларына қатысты кедендік бажды төлеу жөніндегі міндет тоқтатылатын мән-жайларды, сондай-ақ осындай мән-жайлардың туындауын растау бойынша кеден органдарының өзара іс-қимыл жасау тәртібін айқындауға құқылы.

Тармақ 4. Электрондық сауда тауарларына қатысты кедендік бажды жеке тұлғалар сатып алған электрондық сауда тауарларына қатысты, осы Кодекстің 309 8 -бабына сәйкес электрондық сауда тауарларына арналған декларацияда есептелген сомалар мөлшерінде төленуге тиіс.

Тармақ 5. Электрондық сауда тауарларына қатысты кедендік баж жеке тұлғалар сатып алған электрондық сауда тауарларына қатысты, төлеу жөніндегі міндет жеке тұлғалар сатып алған электрондық сауда тауарлары шығарылғанға дейін орындалуға тиіс (электрондық сауда тауарларын қатысты кедендік баж төлену тиіс).

Тармақ 6. Жеке тұлғалар дұрыс кедендік декларацияламай сатып алған электрондық сауда тауарларын Одақтың кедендік шекарасы арқылы заңсыз өткізген кезде электрондық сауда тауарларына қатысты кедендік баж осы Кодекстің 309 8 -бабына сәйкес есептеледі. Бұл ретте жеке тұлғалар сатып алған электрондық сауда тауарларын кедендік декларациялау кезінде нақты төленген электрондық сауда тауарларына қатысты кедендік баж сомалары қайта төленбейді (өндіріп алынбайды), ал мұндай кедендік баждың артық төленген және (немесе) өндіріліп алынған сомалары осы Кодекске сәйкес қайтарылуға жатады.

Тармақ 1. Жеке тұлғалар сатып алған әкелінетін электрондық сауда тауарларының құны электрондық сауда тауарларына арналған декларацияда чектерде, шоттарда, банктік төлем құжаттарында және осындай тауарларды сатып алуға байланысты өзге де құжаттарда көрсетілген олардың қорытынды құны туралы ақпарат негізінде, ал электрондық сауда операторы кедендік операцияларды жасаған кезде - электрондық сауда операторы электрондық сауда алаңынан алған осындай тауарларды сатып алуға байланысты мәліметтердің (осындай ақпарат болған кезде) негізінде де мәлімделеді.

Тармақ 2. Жеке тұлғалар сатып алған электрондық сауда тауарларының құны анық, саны айқындалған және құжатпен расталған ақпарат негізінде мәлімделуге тиіс.

Тармақ 3. Одақтың кедендік аумағынан әкетілетін, жеке тұлғалар сатып алған электрондық сауда тауарларының құны, егер жеке тұлғалар сатып алған әкетілетін электрондық сауда тауарларының құнын айқындау осындай мүше мемлекеттің заңнамасында көзделген болса, кеден органына тауарларды кедендік декларациялау жүзеге асырылатын мүше мемлекеттің кедендік реттеу туралы заңнамасына сәйкес айқындалады және электрондық сауда тауарларына арналған декларацияда мәлімделеді.

Тармақ 4. Жеке тұлғалар сатып алған электрондық сауда тауарларының құнын ұқсас тауарлардың бағасы туралы оның иелігінде бар ақпарат негізінде кеден органы кедендік бақылау нәтижелері бойынша мынадай:

1) осы баптың 1-тармағында көрсетілген құжаттарда мұндай тауарлардың құны туралы мәліметтер болмаған не мұндай құжаттар болмаған;
2) осы баптың 1-тармағында көрсетілген құжаттарда олар туралы мәліметтер бар тауарларды декларацияланатын электрондық сауда тауарларымен сәйкестендіру мүмкін болмаған;
3) осы баптың 1-тармағында көрсетілген құжаттар және (немесе) мәліметтер декларацияланатын электрондық сауда тауарларының құны туралы мәліметтердің дұрыстығын растамаған;
4) ұқсас тауарлардың нарықтық құнымен салыстырғанда жеке тұлғалар сатып алған электрондық сауда тауарларының құны айтарлықтай төмен болып жарияланған жағдайларда айқындайды.
5) Кеден органы жеке тұлғалар сатып алған электрондық сауда тауарларының құны туралы ақпарат ретінде, оның ішінде ұқсас тауарларды бөлшек сатуды жүзеге асыратын шетелдік ұйымдардың каталогтарында және сайттарында көрсетілген мәліметтерді пайдалана алады.
6) Кедендік декларациялауды жүзеге асыратын тұлға электрондық сауда тауарларына арналған декларацияда мәлімделген жеке тұлғалар сатып алған электрондық сауда тауарларының құны туралы мәліметтердің дұрыстығын дәлелдеуге құқылы.
7) Осы бапты қолдану мақсатында ұқсас тауарлар деп Интернет желісіндегі электрондық сауда алаңдарында сатып алынған немесе салыстыру шарттарында сатуға ұсынылатын (ұсынылған), жеке тұлға сатып алған әкелінетін электрондық сауда тауарының сипаттамаларына жақын сипаттамалары бар, яғни жеке тұлға сатып алған декларацияланатын электрондық сауда тауарымен өзінің тауар белгісі, мақсаты, қолданылуы, сапалық, техникалық және өзге де сипаттамалары бойынша салыстыруға келетін тауарлар түсініледі.
8) Мүше мемлекеттердің кедендік реттеу туралы заңнамасында жеке тұлғалар сатып алған электрондық сауда тауарларының құнын айқындау кезінде ұқсас тауарлардың бағасы туралы ақпаратты пайдалану ерекшеліктері айқындалуы мүмкін.