Тармақ 1. Одақтың кедендік шекарасы арқылы өткізілетін және Одақтың кедендік шекарасында мемлекеттік бақылауды (қадағалауды) жүзеге асыратын мүше мемлекеттердің басқа да мемлекеттік органдарымен бақылауға жататын тауарларға қатысты кедендік бақылауды жүргізу кезінде кеден органдары мүше мемлекеттердің заңнамасымен белгіленетін тәртіпте бақылаудың жүргізілуіне жалпы үйлестіруді қамтамасыз етеді.
Тармақ 2. Одақтың кедендік шекарасында мемлекеттік бақылауды (қадағалауды) жүзеге асыратын мүше мемлекеттердің мемлекеттік органдары мен кеден органдары ақпараттық жүйелерді пайдаланумен кедендік және мемлекеттік бақылаудың (қадағалаудың) өзге де түрлерін жүргізу үшін қажетті құжаттармен және (немесе) ақпаратпен (мәліметтермен) алмасады.
Тармақ 3. Одақтың кедендік шекарасы арқылы тауарларды өткізу кезінде мемлекеттік бақылаудың (қадағалаудың) жүргізілуін тездету мақсатында кедендік тексеріп қарау Одақтың кедендік шекарасында мемлекеттік бақылауды (қадағалауды) жүзеге асыратын мүше мемлекеттердің мемлекеттік органдарының қатысуымен жүргізілуі мүмкін.