Бап 320 О ратификации Договора о Таможенном кодексе Евразийского экономического союза. Кедендік бақылау жүргізу үшін қажетті құжаттарды сақтау

Тармақ 1. Кедендік бақылау жүргізу үшін қажетті сақтауға жататын құжаттар мыналар:

• 1) кедендік құжаттар;
• 2) осы Кодекстің 108-бабында көрсетілген құжаттар;
• 3) кедендік баждарды, салықтарды төлеу бойынша жеңілдіктерді қолданумен байланысты тауарларды пайдалану және (немесе) билік етуі бойынша шектеулердің сақталғанын растайтын құжаттар;
• 4) кедендік операцияларды жасау кезінде ресімделген құжаттар;
• 5) кедендік рәсімдерге сәйкес мәлімделген тауарларды пайдалану шарттарын растайтын құжаттар болып табылады.

Тармақ 2. Осы баптың 1-тармағында көрсетілген құжаттарды тұлғалар және кеден органдары, олардың кедендік декларацияны беру кезінде ұсынылғанына немесе ұсынылмағанына қарамастан, осы Кодекстің 14-бабының 7 - 15-тармақтарында көрсетілген мән-жайлар пайда болған күннен бастап 5 жыл өткенге дейін сақтауы тиіс.

Тармақ 3. Кеден ісі саласында қызметті жүзеге асыратын тұлғалар, кеден ісі саласында қызметтер көрсетумен байланысты олардың қызметтеріне қатысты кедендік бақылауды жүргізу үшін қажетті құжаттарды кедендік операциялар жасалған жыл аяқталғаннан кейін 5 жыл ішінде сақтауы тиіс.