Тармақ 1. Кедендік, өзге де құжаттарды және (немесе) мәліметтерді тексеру - мыналарды:
Тармақ 2. Кедендік, өзге де құжаттарды және (немесе) мәліметтерді тексеру мәліметтердің дұрыстығын, құжаттардың дұрыс толтыруын және (немесе) ресімделуін тексеру, кедендік рәсімге сәйкес тауарларды пайдалану шарттарын сақтау, кедендік баждарды, салықтарды төлеу бойынша жеңілдіктерді қолдануға байланысты тауарларды пайдалану және (немесе) билік етуі бойынша шектеулерді сақтау, осы Кодекске сәйкес кедендік рәсімдерге орналастыруға жатпайтын тауарлардың жекелеген санаттарына қатысты белгіленген тауарларды пайдалану тәртібін және шарттарын сақтау мақсатында, сондай-ақ кедендік реттеу саласындағы халықаралық шарттар мен актілердің және (немесе) кедендік реттеу туралы мүше мемлекеттер заңнамасының сақталуын қамтамасыз етудің өзге де мақсатында жүргізіледі.
Тармақ 3. Кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияда мәлімделген және (немесе) кеден органдарына ұсынылған құжаттарда бар мәліметтерді тексеру тауарлар шығарылғанға дейін, сол сияқты шығарылғаннан кейін де жүргізілуі мүмкін.
Тармақ 4. Егер декларант, кеден органы тауарлардың шығарылуын жүргізген кезде осы Кодекстің 121-бабында көзделген шарттарды сақтаса, тауарлар шығарылғанға дейін басталған кедендік, өзге де құжаттарды және (немесе) мәліметтерді тексеру тауарлар шығарылғаннан кейін аяқталады.
Тармақ 5. Мүше мемлекеттердің кедендік реттеу туралы заңнамасында тауарлар шығарылғаннан кейін басталған кедендік декларацияға қатысты кедендік, өзге құжаттардың және (немесе) мәліметтердің, кедендік декларацияда мәлімделген мәліметтерді растайтын құжаттардың, кедендік декларацияларда мәлімделген және (немесе) кеден органдарына ұсынылған құжаттарда бар мәліметтердің тексерілуін жүргізу жағдайлары және тұлғаны кедендік бақылаудың мұндай нысанын жүргізу туралы хабардар ету тәртібі белгіленуі мүмкін.
Тармақ 6. Кедендік, өзге құжаттарды және (немесе) мәліметтерді тексеру осы баптың 1-тармағында көрсетілген құжаттар мен мәліметтерді талдау арқылы, оның ішінде бір құжатта бар мәліметтерді олардың арасында, сондай-ақ өзге құжаттарда, оның ішінде кедендік декларацияда мәлімделген мәліметтерді растайтын құжаттарда бар мәліметтермен, кеден органдары пайдаланатын ақпараттық жүйелерден және (немесе) ақпараттық өзара іс-қимыл шеңберінде мүше мемлекеттердің мемлекеттік органдарының (ұйымдарының) ақпараттық жүйелерінен, тексеру жүргізу кезінде кеден органының билігінде бар басқа да көздерден алынған мәліметтермен салыстыру арқылы, сондай-ақ кедендік реттеу саласындағы халықаралық шарттар мен актілерге және (немесе) мүше мемлекеттердің заңнамасына сәйкес басқа да тәсілдермен жүргізіледі.
Тармақ 7. Кедендік, өзге құжаттарды және (немесе) мәліметтерді тексеру шеңберінде кеден органы қосымша ақпаратты жинауды және талдауды жүзеге асыруға, оның ішінде мемлекеттік органдарға және өзге ұйымдарға сұрау салуларды жолдауға құқылы.
Тармақ 8. Тауарлар шығарылғанға дейін басталған кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияларда мәлімделген және (немесе) кеден органдарына ұсынылған құжаттарда бар мәліметтерді тексеру осы Кодекстің 325-бабына сәйкес жүргізіледі.
Тармақ 9. Осы баптың 10-тармағында көзделген жағдайда кедендік, өзге құжаттар және (немесе) мәліметтер тексеруді жүргізуді қоспағанда, тауарлар шығарылғаннан кейін не кедендік бақылаудың осы нысанын қолданудың өзге жардайларында басталған кедендік декларацияға қатысты кедендік, өзге құжаттарды және (немесе) мәліметтерді, кедендік декларацияда мәлімделген мәліметтерді растайтын құжаттарды, кедендік декларацияда мәлімделген және (немесе) кеден органдарына ұсынылған құжаттарда бар мәліметтерді тексеру осы Кодекстің 326-бабына сәйкес жүргізіледі.
Тармақ 10. Осы Кодекстің 120-бабына сәйкес шығарылған тауарларға қатысты берілген кедендік, өзге құжаттарды және (немесе) мәліметтерді, мұндай декларацияда мәлімделген мәліметтерді растайтын құжаттарды, және көрсетілген тауарларға арналған декларацияларда мәлімделген және (немесе) кеден органдарына ұсынылған құжаттарда бар мәліметтерді тексеру Комиссия айқындайтын тәртіппен жүргізіледі.
Тармақ 11. Тауарларға арналған декларацияларды бергенге дейін тауарлардың шығарылғаны туралы өтінішке, осы Кодекстің 120-бабының 4-тармағына сәйкес мұндай өтінішпен бірлесіп ұсынылатын құжаттарға қатысты кедендік, өзге құжаттардың және (немесе) мәліметтердің, және көрсетілген өтініште және (немесе) құжаттарда мәлімделген мәліметтердің тексеруін қолданған кезде құжаттарды сұрату тауарлар шығарылғанға дейін жүргізілмейді.
Тармақ 12. Тауарлардың кедендік құнын тексерген кезде кедендік, өзге құжаттарды және (немесе) мәліметтерді тексеру осы Кодекстің 313-бабында көзделген ерекшеліктер ескеріле отырып жүргізіледі.
Тармақ 13. Тауарлардың шығарылған жерін тексеру кезінде кедендік, өзге құжаттарды және (немесе) мәліметтерді тексеру осы Кодекстің 314-бабында көзделген ерекшеліктер ескеріле отырып жүргізіледі.