Тармақ 1. Камералдық кедендік тексеру кедендік операцияларды жасау кезінде және (немесе) кеден органдарының талабы бойынша тексерілетін тұлға табыс еткен кедендік декларацияларда және (немесе) коммерциялық, көліктік (тасымалдау) және өзге де құжаттарда бар мәліметтерді, мүше мемлекеттердің мемлекеттік органдарының құжаттары мен мәліметтерін, сондай-ақ кеден органдарында бар және тексерілетін тұлғаға қатысты басқа да құжаттарды және мәліметтерді зерделеу және талдау арқылы жүргізіледі.
Тармақ 2. Камералдық кедендік тексеруді кеден органы орналасқан жері бойынша кеден органдары тексерілетін тұлғаға бармастан, сондай-ақ кеден органының камералық кедендік тексеру жүргізу туралы шешімін (ұйғарымын) ресімдеместен жүргізеді.
Тармақ 3. Камералдық кедендік тексерулер оларды жүргізу кезеңділігі шектелмей жүзеге асырылады.
Тармақ 4. Камералдық кедендік тексеруді жүргізу нәтижелері мүше мемлекеттердің кедендік реттеу туралы заңнамасына сәйкес ресімделеді.
Тармақ 5. Камералдық кедендік тексеруді жүргізу нәтижелері бойынша, оның ішінде кеден органының талабы бойынша белгіленген мерзімде құжаттарды және (немесе) мәліметтерді ұсынбаған кезде көшпелі кедендік тексеру тағайындалуы мүмкін.