Тармақ 1. Кеден органдары кедендік статистиканы жүргізеді, оған Одаққа мүшелер болып табылмайтын мемлекеттермен мүше мемлекеттердің тауарларымен сыртқы сауда кедендік статистикасы (бұдан әрі осы бапта - тауарлар сыртқы саудасының кедендік статистикасы) және арнайы кедендік статистика кіреді.
Тармақ 2. Кедендік статистиканы жүргізу үшін кеден органдарының ақпараттық ресурстары қолданылады.
Тармақ 3. Тауарлар сыртқы саудасының кедендік статистикасының деректері Одаққа мүшелер болып табылмайтын мемлекеттермен мүше мемлекеттердің тауарларымен сыртқы саудасының жай-күйін, қарқынын және даму беталысын талдау мақсатында қалыптастырылады.
Тармақ 4. Кеден органдары тауарлар сыртқы саудасының кедендік статистикасы деректерін, оның ішінде ішкі нарықты қорғау шараларын қолдану немесе қайта қарау туралы өтінішті Одақ шеңберіндегі халықаралық шартта, мүше мемлекеттердің үшінші тараппен халықаралық шарттарында белгіленген және (немесе) мүше мемлекеттердің заңнамасында белгіленетін тәртіппен тұлғаларға және халықаралық ұйымдарға беру үшін ұсынады.
Тармақ 5. Арнайы кедендік статистика деректері кеден органдарына жүктелген міндеттерді орындау мақсатында қалыптастырылады және пайдаланылады.