Тармақ 1. Кедендік операциялар кеден органдарының, декларанттардың және өзге де мүдделі тұлғалардың ақпараттық жүйелерін және ақпараттық технологияларын, сондай-ақ ақпараттық өзара іс-қимыл шеңберінде мүше мемлекеттердің мемлекеттік органдарының (ұйымдарының) ақпараттық жүйелерін пайдалана отырып жасалуы мүмкін.
Тармақ 2. Кедендік операцияларды жасау кезінде пайдаланылатын ақпараттық жүйелерді, ақпараттық технологияларды және ақпаратты қорғау құралдарын жасау, құру, енгізу, пайдалану, алып жүру, жаңғырту мүше мемлекеттердің заңнамаларына сәйкес жүзеге асырылады.
Тармақ 3. Кеден органдары мүше мемлекеттердің заңнамасына сәйкес кеден органдары жасайтын, шығаратын және (немесе) сатып алатын ақпараттық жүйелерді және ақпараттық технологияларды қолданады.