Тармақ 1. Кеден органдарының зияткерлік меншік объектілеріне құқықтарды қорғау мерзімі зияткерлік меншік объектілері мүше мемлекеттердің зияткерлік меншік объектілерінің бірыңғай кедендік тізіліміне енгізілген кезде, құқық иеленуші өтінішінде көрсеткен мерзімі, сондай-ақ өтінішке қоса берілетін құжаттардың қолданыс мерзімі ескеріле отырып, бірақ мұндай тізілімге енгізілген күннен бастап 2 жылдан аспайтын мерзімге белгіленеді.
Тармақ 2. Осы баптың 1-тармағында көрсетілген мерзім құқық иеленушінің немесе құқық иеленушінің (бірнеше құқық иеленушінің) мүдделерін білдіретін тұлғаның өтініші негізінде бірнеше рет шектеусіз, бірақ әрбір ретте осы тарауда көзделген талаптар сақталған жағдайда, 2 жылдан аспайтын мерзімге ұзартылады.
Тармақ 3. Зияткерлік меншік объектілері зияткерлік меншік объектілерінің ұлттық кедендік тізілімдеріне енгізілген кезде кеден органдарының зияткерлік меншік объектілеріне құқықтарды қорғау мерзімі мүше мемлекеттердің кедендік реттеу туралы заңнамасына сәйкес белгіленеді.
Тармақ 4. Кеден органдарының зияткерлік меншік объектілерін қорғау мерзімі құкық иеленушінің тиісті зияткерлік меншік объектілеріне айрықша құқық қолданысының мерзімінен аспайды.