Тармақ 1. Егер осы бапта өзгеше көзделмесе, кедендік сарапшы (сарапшы) кедендік сараптама жүргізу үшін материалдар мен құжаттарды қабылдаған күннен бастап 20 жұмыс күнінен аспайтын мерзімде кедендік сараптаманы жүргізеді.
Тармақ 2. Уәкілетті кеден органының кедендік сараптаманы тағайындаған кеден органдарына, оған қосымша материалдарды, құжаттарды, тауарлардың сынамаларын және (немесе) үлгілерін ұсыну туралы қолдаухаты болған кезде, сондай-ақ мүше мемлекеттердің заңнамасында белгіленген өзге де жағдайларда кедендік сараптаманы жүргізу мерзімі тоқтатыла тұрады.
Тармақ 3. Уәкілетті кеден органдарының кедендік сараптаманы жүргізу тәртібі мүше мемлекеттердің заңнамасында белгіленеді.