Тармақ 1. Тауарларды уақытша сақтауға арналған арнайы белгіленген және жайластырылған құрылыстар, үй-жай (үй-жайдың бөлігі) және (немесе) ашық алаңдар уақытша сақтау қоймалары болып табылады.
Тармақ 2. Уақытша сақтау қоймасы мүше мемлекеттің тұлғасы уақытша сақтау қоймалары иелерінің тізіліміне енгізілген күннен кейінгі күннен бастап құрылған болып саналады.
Тармақ 3. Уақытша сақтау қоймасының жұмыс істеуі уақытша сақтау қоймасының иесі уақытша сақтау қоймалары иелерінің тізілімінен шығарылған күннен кейінгі күннен бастап тоқтатылады.
Тармақ 4. Уақытша сақтау қоймасы ретінде пайдалануға арналған немесе пайдаланылатын құрылыстарды, үй-жайды (үй-жайдың бөлігі) және (немесе) ашық алаңдарды орналастыруға, жайластыруға және жабдықтауға қойылатын талаптар, сондай-ақ оларды құру және жұмыс істеу тәртібі мүше мемлекеттердің заңнамасында белгіленеді.