Тармақ 1. Кеден қоймасының кедендік рәсімімен орналастырылған тауарларды сақтауға арналған арнайы белгіленген және жайластырылған құрылыстар, үй-жайлар (үй-жайлардың бөлігі) және (немесе) ашық алаңдар кеден қоймалары болып табылады.
Тармақ 2. Кеден қоймасы мүше мемлекеттің тұлғасы кеден қоймалары иелерінің тізіліміне енгізген күннен кейінгі күннен бастап құрылған болып саналады.
Тармақ 3. Кеден қоймасының жұмыс істеуі кеден қоймасының иесін кеден қоймалары иелерінің тізілімінен шығарған күннен кейінгі күннен бастап тоқтатылады.
Тармақ 4. Кеден қоймалары ашық немесе жабық типте болуы мүмкін.
Тармақ 5. Кеден қоймасы ретінде пайдалануға арналған немесе пайдаланылатын құрылыстар, үй-жай (үй-жайдың бөлігі) және (немесе) ашық алаңдарды орналастыруға, жайластыруға және жабдықтауға қойылатын талаптар, сондай-ақ оларды құру және жұмыс істеу тәртібі мүше мемлекеттердің заңнамасында белгіленеді.