Тармақ 1. Сауда залдары мен қоймалардан. сондай-ақ қосалқы үй-жайлардан тұратын (болған кезде) арнайы белгіленген және жайластырылған құрылыстар және (немесе) үй-жайлар (үй-жайлардың бөлігі) бажсыз сауда дүкендері болып табылады.
Тармақ 2. Бажсыз сауда дүкені мүше мемлекеттің тұлғасы бажсыз сауда дүкендері иелерінің тізіліміне енгізген күннен кейінгі күннен бастап құрылған болып саналады.
Тармақ 3. Бажсыз сауда дүкенінің жұмыс істеуі бажсыз сауда дүкені иесін бажсыз сауда дүкендері иелерінің тізілімінен шығарған күннен кейінгі күннен бастап тоқтатылады.
Тармақ 4. Бажсыз сауда дүкендерін орналастыруға, жайластыруға және жабдықтауға, оның ішінде бейне бақылау жүйесімен жарақтандыруға қойылатын талаптар, оның құрылуы мен жұмыс істеу тәртібі, сондай-ақ бажсыз сауда дүкендерінде тауарларды өткізу қағидалары мүше мемлекеттердің заңнамасында белгіленеді.