Тармақ 1. Тауарларды уақытша сақтау осы Кодекстің 433-бабы 3-тармағының 4 тармақшасында көзделген талаптарға сәйкес келетін екінші немесе үшінші типті куәлігі бар уәкілетті экономикалық оператордың құрылыс жайларында, үй-жайларында (үй-жайлардың бөліктерінде) және (немесе) ашық алаңдарында (ашық алаңның бөліктерінде) жүзеге асырылуы мүмкін.
Тармақ 2. Осы баптың 1-тармағында көрсетілген құрылыс жайлар, үй-жайлар (үй-жайлардың бөліктері) және (немесе) ашық алаңдар (ашық алаңдардың бөліктері) кедендік бақылау аумағы болып табылады.
Тармақ 3. Уәкілетті экономикалық оператордың құрылыс жайларында, үй-жайларында (үй-жайлардың бөліктерінде) және (немесе) ашық алаңдарында (ашық алаңдардың бөліктерінде) мүше мемлекеттердің кедендік реттеу туралы заңнамасында белгіленген тәртіпте уақытша сақтаудағы тауарлармен бірге өзге де тауарларды сақтауға рұқсат етілуі мүмкін.
Тармақ 4. Осы Кодекстің 435-бабының 1-тармағында көзделген негіздер бойынша куәліктің қолданысы тоқтатыла тұрған жағдайда, осы Кодекстің 435-бабы 6 және 7-тармақтарына сәйкес куәліктің қолданысы жаңартылғанға дейін уәкілетті экономикалық оператордың құрылыс жайларында, үй-жайларында (үй-жайлардың бөліктерінде) және (немесе) ашық алаңдарында (ашық алаңдардың бөліктерінде) тауарларды уақытша сақтауға орналастыруға рұқсат етілмейді.