Тармақ 1. Осы Кодекстің 28 - 31-баптарының , 36-бабы 6-тармағының, 49-бабы 4-тармағының, 109-бабы 7 және 10-тармақтарының және 314-бабының ережелері Одақ туралы шарттың 102-бабының 1, 3 - 5-тармақтарын ескере отырып, қолданылады.
Тармақ 2. Тарифтік преференцияларды қалпына келтіру жағдайлары мен шарттарын айқындайтын осы Кодекстің 49-бабы 4-тармағында көрсетілген Комиссия шешімінің күшіне енуіне дейін тарифтік преференциялар тауардың шығарылған жерін растау шартын және кедендік декларацияны кеден органы тіркеген күннен бастап 1 жыл өткенге дейін тарифтік преференциялар берудің өзге де шарттарын сақтай отырып, қалпына келтіріледі. Бұл жағдайда кедендік әкелу баждарының төленген сомалары осы Кодекстің 10-тарауына сәйкес қайтаруға (есептеуге) жатады.