Тармақ 1. Кедендік алымдар тауарларды шығаруға, көлік құралдарын кедендік алып жүруге байланысты кедендік операцияларды, сондай-ақ осы Кодексте және (немесе) мүше мемлекеттердің кедендік реттеу туралы заңнамасында белгіленген өзге де іс-қимылдар жасағаны үшін кеден органдары өндіріп алатын міндетті төлемдер болып табылады.
Тармақ 2. Кедендік алымдардың түрлері мен мөлшерлемелері мүше мемлекеттердің заңнамасында белгіленеді.
Тармақ 3. Кедендік алымдардың мөлшерін, кеден органдарының іс-қимылдар жасауға байланысты кедендік алымдар белгілеген шығындарының шамамен алынған құнынан асыруға болмайды.
Тармақ 4. Кедендік алымдарды төлеушілер, кедендік алымдар салынатын объектілер, кедендік алымдарды есептеуге арналған база, кедендік алымдарды төлеу жөніндегі міндеттердің туындауы мен тоқтатылуы, кедендік алымдарды төлеу мерзімдері, оларды есептеу, төлеу, өндіріп алу және қайтару (есепке жатқызу) тәртібі, сондай-ақ кедендік алымдар төленбейтін жағдайлар мүше мемлекеттердің заңнамасында белгіленеді.