Тармақ 1. Кедендік баждарды, салықтарды тауарларды шығару жүргізілген кеден органы немесе осы баптың 2 және 3-тармақтарында көзделген жағдайларды қоспағанда, мүше мемлекеттің кедендік реттеу туралы заңнамасымен айқындалатын тауарларды шығару жүргізілген өзге де кеден органы өндіріп алады.
Тармақ 2. Осы Кодекстің 2-тармағының екінші абзацында және 61-бабының 3-тармағында көрсетілген жағдайларда кедендік баждарды, салықтарды, егер осы баптың 3-тармағында өзгеше белгіленбесе, осы Кодекстің 2-тармағының екінші абзацына және 61-бабының 3-тармағына сәйкес кедендік баждарды, салықтарды төлеуге жататын мүше мемлекеттің кеден органы өндіріп алады.
Тармақ 3. Егер кедендік транзит кедендік рәсіміне сәйкес тауарларды тасыған (тасымалдаған) кездегі жағдайларда кедендік баждарды, салықтарды төлеу жөніндегі міндеттерді орындауды қамтамасыз ету берілсе, онда осы Кодекстің 153-бабының 5-тармағында және 309-бабының 3-тармағында көзделген мән-жайлар басталған кезде төленбеген кедендік баждарды, салықтарды кеден органына кедендік баждарды, салықтарды осындай қамтамасыз ету есебінен төлеу жөніндегі міндеттерді орындауды қамтамасыз ету берілген мүше мемлекеттің кедендік реттеу туралы заңнамасына сәйкес айқындалатын кеден органы өндіріп алады.
Тармақ 4. Осы баптың 3-тармағына сәйкес кеден органдарының кедендік баждарды, салықтарды өндіріп алған кезде және кедендік баждардың, салықтардың өндіріп алынған сомаларын кедендік баждарды, салықтарды төлеуге жататын мүше мемлекетке аударған кезде өзара іс-қимылы осы Кодекске №1 қосымшада көзделген тәртіпте, көрсетілген қосымшамен реттелмейтін бөлігінде - Комиссия айқындайтын тәртіпте жүзеге асырылады.