Кедендік операциялар жасау үшін қажетті құжаттар және (немесе) мәліметтер кедендік операциялар жасалған кезде, егер мұндай құжаттар туралы мәліметтер және (немесе) олардан алынатын мәліметтер және (немесе) кеден органдарына кедендік операцияларды жасауға қажетті өзге де мәліметтерді кеден органдарының ақпараттық жүйелерінен, сондай-ақ мүше мемлекеттердің мемлекеттік органдарының (ұйымдарының) ақпараттық жүйелерінен кеден органы мен мүше мемлекеттердің мемлекеттік органдарының (ұйымдарының) ақпараттық өзара іс-қимыл шеңберінде алу мүмкін болса, берілмеуі мүмкін. Мұндай жағдайда осы Кодексте айқындалған тұлғалар осы құжаттарды және (немесе) кедендік декларациядағы мәліметтер туралы мәліметтерді көрсетеді немесе оларды кеден органдарына осы Кодекске сәйкес өзге тәсілмен ұсынады.