Одақтың кедендік аумағынан тауарлардың кетуі үшін тауарларды тасу (тасымалдау) жүзеге асырылатын көлік құралының түріне қарамастан, тасымалдаушы не осы баптың 8-тармағына сәйкес өзге тұлға:
- 1) тауарларға арналған декларацияны немесе оның көшірмесін, электрондық сауда тауарларына арналған декларацияны немесе оның көшірмесін осы баптың 3-тармағында көрсетілген тауарларға қатысты транзиттік декларацияны не, егер осы Кодекстің 80-бабының 2-тармағына сәйкес осындай тауарларға арналған декларация, электрондық сауда тауарларына арналған декларация немесе транзиттік декларация ұсынылмайтын болса, тауарларға арналған декларация, электрондық сауда тауарларына арналған декларация немесе транзиттік декларация туралы мәліметтерді не Одақтың кедендік аумағынан тауарларды әкетуге рұқсат ететін өзге құжатты;
- 2) осы Кодекстің 7-бабына сәйкес тыйым салулар мен шектеулердің сақталуын растайтын құжаттарды және (немесе) мәліметтерді ұсынады.